اتى اڭىزعا اينالعان ايگىلى فۋتبولشى پەلە 82 جاسىندا قايتىس بولدى

2313
Adyrna.kz Telegram

اتى اڭىزعا اينالعان ايگىلى فۋتبولشى پەلە 82 جاسىندا قايتىس بولدى. بۇل تۋرالى ونىڭ قىزى كەللي ناسيمەنتۋ ينستاگرام پاراقشاسىندا حابارلادى، دەپ جازادى "ادىرنا" ۇلتتىق پورتالى.

"بىزدە باردىڭ ءبارى ءسىزدىڭ ارقاڭىزدا. ءبىز سەنى شەكسىز جاقسى كورەمىز. جاتقان جەرىڭىز جايلى بولسىن", – دەپ جازدى قىزى.

فۋتبولشىنىڭ قايتىس بولعانىن ونىڭ اگەنتى دجو فراگا دا راستادى.

پەلە - الەمدىك فۋتبول تاريحىندا ءۇش رەت الەم چەمپيونى اتانعان جالعىز سپورتشى (1958, 1962, 1970). ول 92 ماتچتا 77 گول سوقتى. كاسىبي مانسابىندا پەلە 1 281 گول سوعىپ، گيننەستىڭ رەكوردتار كىتابىنا ەنگەن.

ەستەرىڭىزدە سالا كەتەيىك، پەلەنىڭ 2021 جىلدىڭ تامىزىندا توق ىشەك قاتەرلى ىسىگىنە شالدىققانى انىقتالىپ، ونى اۋرۋحاناعا جاتقىزعان. قىركۇيەكتە فۋتبولشىعا شۇعىل تۇردە كۇردەلى وتا جاسالدى، الايدا دارىگەرلەر وعان حيميوتەراپيا كومەكتەسپەي جاتقانىن حابارلاعان ەدى. 26 جەلتوقساندا پەلەنىڭ وتباسىمەن قوشتاسا باستاعانى تۋرالى اقپارات بارلىق باق كوزدەرىندە تاراعان. 

"ادىرنا" ۇلتتىق پورتالى 

پىكىرلەر