«ادىلدىك جولى» رەسپۋبليكالىق قوعامدىق بىرلەستىگى قر سىبايلاس جەمقورلىققا قارسى اگەنتتىگىنىڭ قولداۋىمەن ەلدەگى كوررۋپتسياعا قارسى ساياساتتى جۇزەگە اسىرۋ ماقساتىندا جاستاردى جۇمىلدىرۋعا باعىتتالعان «ادىلەتتى قازاقستان – جاستاردىڭ تانداۋى» اتتى اكتسيانىڭ باستالعانىن حابارلادى.
سىبايلاس جەمقورلىققا قارسى سۇراقتار بويىنشا تەگىن كەڭەس الۋعا بولاتىن ارنايى 1463 كولل تسەنترى قوسىلدى، سونىمەن قاتار جاستاردان حابارلامالاردى قابىلداپ، وزەكتى جاڭالىقتاردى جەتكىزەتىن ۇيىمنىڭ الەۋمەتتىك جەلىدەگى پاراقشالارى اشىلدى.
اكتسيا اياسىندا قر عىلىم جانە جوعارى ءبىلىم مينيسترلىگىمەن سەرىكتەستىك جونىندە مەموراندۋمعا قول قويىلىپ، ءوز كەزەگىندە ول ستۋدەنت جاستاردى اكتسياعا جۇمىلدىرىپ، جوو قىزمەتىندەگى سىبايلاس جەمقورلىق تاۋەكەلدەرىن تومەندەتۋگە مۇمكىندىك بەرەدى.
ءىس-شارا بارىسىندا قر عىلىم جانە جوعارى ءبىلىم ءمينيسترى ساياسات نۇربەك: «سىبايلاس جەمقورلىققا قارسى كۇرەستىڭ وزەكتىلىگى – ونىڭ كەشەندى سيپاتىندا. مەملەكەتتىڭ عانا ەمەس، بۇكىل ازاماتتىق قوعامنىڭ شوعىرلاندىرىلعان كۇش-جىگەرى قاجەت. سوندىقتان ءبىز بۇگىن «ادىلدىك جولىمەن» سەرىكتەستىك جونىندە مەموراندۋمعا قول قويدىق. مەموراندۋمنىڭ باستى ماقساتى جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ، عىلىمي ۇيىمداردىڭ ستۋدەنتتەرى مەن قىزمەتكەرلەرىنىڭ قۇقىقتىق ساۋاتتىلىعىن ارتتىرۋ، قۇقىقتىق مادەنيەتىن قالىپتاستىرۋ، قۇقىقتارىن، بوستاندىقتارى مەن زاڭدى مۇددەلەرىن قورعاۋ بولىپ تابىلادى».
اكتسيا ۇيىمداستىرۋشىلارى «ادىلدىك جولى» رقب اتىنان عىلىم جانە جوعارى ءبىلىم مينيسترىنە اشىقتىعى، اكتسيانى قولداۋعا جانە ءىس جۇزىندە ءوزىنىڭ سىبايلاس جەمقورلىققا قارسى ۇستانىمىن كورسەتۋگە دايىن ەكەندىگى ءۇشىن العىس ءبىلدىردى. «جاقىندا عانا كوپشىلىگىمىز ادىلەتتى قازاقستان ءۇشىن تاڭداۋ جاسادىق. ەندى جاستاردىڭ بۇل ارمانعا جەتۋىنە ناقتى مۇمكىندىك بار. ءاربىر ازامات سىبايلاس جەمقورلىق دەڭگەيىن تومەندەتۋگە ءوز ۇلەسىن قوسا الادى، ال ءبىز ناقتى قۇرالداردى ۇسىنامىز».
اكتسيا باستاماشىلارى، سونداي-اق، سىبايلاس جەمقورلىققا قارسى ۇزدىك يدەيالار مەن جوبالار بايقاۋىنىڭ باستالعانىن جاريالادى. وندا ءاربىر جاس سىبايلاس جەمقورلىققا قارسى كۇرەس تۋرالى ءوز كوزقاراسىن ۇسىنا الادى.
د.سماعۇلوۆتىڭ ايتۋىنشا، وتىنىمدەر info@adildik.kz ەلەكتروندى مەكەن-جايىنا 2023 جىلدىڭ 15 قاڭتارىنا دەيىن قابىلدانادى. ودان كەيىن بايقاۋ كوميسسياسى ەلىمىزدىڭ ءار وڭىرىندەگى ۇزدىك جۇمىستاردى تاڭداپ، باعالى سىيلىقتارمەن ماراپاتتالادى.
سونىمەن قاتار، كەيبىر يدەيالار ەكسپەريمەنتتىك پيلوتتىق جوبالار رەتىندە جۇزەگە اسىرىلادى، ياعني جاستار ءوز ۇسىنىستارىنىڭ جۇزەگە اسۋىن ءوز كوزدەرىمەن كورە الادى.
ءسوزىن قورىتىندىلاي كەلە، «ادىلدىك جولى» رقب اتقارۋشى ديرەكتورى د.سماعۇلوۆ بارشا قازاقستاندىق جاستاردى وسى اكتسيانى جۇزەگە اسىرۋعا بەلسەنە اتسالىسۋعا شاقىردى، ويتكەنى ادىلەتتى قازاقستاننىڭ قالىپتاسۋى ءاربىر ازاماتقا، سونىڭ ىشىندە ءبىرىنشى كەزەكتە جاستارعا جاستارعا بايلانىستى.
انىقتاما: حالىقارالىق سىبايلاس جەمقورلىققا قارسى كۇرەس كۇنى 2004 جىلدان باستاپ جىل سايىن 9 جەلتوقساندا اتاپ وتىلەدى. بۇۇ باس اسسامبلەياسى جاريالاعان. 2003 جىلدىڭ ءدال وسى كۇنى مەكسيكادا قول قويۋ ءۇشىن بۇۇ-نىڭ سىبايلاس جەمقورلىققا قارسى كونۆەنتسياسى اشىلدى.
