«Ädıldık Joly» respublikalyq qoǧamdyq bırlestıgı QR Sybailas jemqorlyqqa qarsy agenttıgınıŋ qoldauymen eldegı korrupsiiaǧa qarsy saiasatty jüzege asyru maqsatynda jastardy jūmyldyruǧa baǧyttalǧan «Ädılettı Qazaqstan – Jastardyŋ tandauy» atty aksiianyŋ bastalǧanyn habarlady.
Sybailas jemqorlyqqa qarsy sūraqtar boiynşa tegın keŋes aluǧa bolatyn arnaiy 1463 koll sentrı qosyldy, sonymen qatar jastardan habarlamalardy qabyldap, özektı jaŋalyqtardy jetkızetın ūiymnyŋ äleumettık jelıdegı paraqşalary aşyldy.
Aksiia aiasynda QR Ǧylym jäne joǧary bılım ministrlıgımen serıktestık jönınde memorandumǧa qol qoiylyp, öz kezegınde ol student jastardy aksiiaǧa jūmyldyryp, JOO qyzmetındegı sybailas jemqorlyq täuekelderın tömendetuge mümkındık beredı.
Is-şara barysynda QR Ǧylym jäne joǧary bılım ministrı Saiasat Nūrbek: «Sybailas jemqorlyqqa qarsy kürestıŋ özektılıgı – onyŋ keşendı sipatynda. Memlekettıŋ ǧana emes, bükıl azamattyq qoǧamnyŋ şoǧyrlandyrylǧan küş-jıgerı qajet. Sondyqtan bız bügın «Ädıldık jolymen» serıktestık jönınde memorandumǧa qol qoidyq. Memorandumnyŋ basty maqsaty joǧary jäne joǧary oqu ornynan keiıngı bılım beru ūiymdarynyŋ, ǧylymi ūiymdardyŋ studentterı men qyzmetkerlerınıŋ qūqyqtyq sauattylyǧyn arttyru, qūqyqtyq mädenietın qalyptastyru, qūqyqtaryn, bostandyqtary men zaŋdy müddelerın qorǧau bolyp tabylady».
Aksiia ūiymdastyruşylary «Ädıldık Joly» RQB atynan Ǧylym jäne joǧary bılım ministrıne aşyqtyǧy, aksiiany qoldauǧa jäne ıs jüzınde özınıŋ Sybailas jemqorlyqqa qarsy ūstanymyn körsetuge daiyn ekendıgı üşın alǧys bıldırdı. «Jaqynda ǧana köpşılıgımız Ädılettı Qazaqstan üşın taŋdau jasadyq. Endı jastardyŋ būl armanǧa jetuıne naqty mümkındık bar. Ärbır azamat sybailas jemqorlyq deŋgeiın tömendetuge öz ülesın qosa alady, al bız naqty qūraldardy ūsynamyz».
Aksiia bastamaşylary, sondai-aq, sybailas jemqorlyqqa qarsy üzdık ideialar men jobalar baiqauynyŋ bastalǧanyn jariialady. Onda ärbır jas sybailas jemqorlyqqa qarsy küres turaly öz közqarasyn ūsyna alady.
D.Smaǧūlovtyŋ aituynşa, ötınımder info@adildik.kz elektrondy meken-jaiyna 2023 jyldyŋ 15 qaŋtaryna deiın qabyldanady. Odan keiın baiqau komissiiasy elımızdıŋ är öŋırındegı üzdık jūmystardy taŋdap, baǧaly syilyqtarmen marapattalady.
Sonymen qatar, keibır ideialar eksperimenttık pilottyq jobalar retınde jüzege asyrylady, iaǧni jastar öz ūsynystarynyŋ jüzege asuyn öz közderımen köre alady.
Sözın qorytyndylai kele, «Ädıldık joly» RQB atqaruşy direktory D.Smaǧūlov barşa qazaqstandyq jastardy osy aksiiany jüzege asyruǧa belsene atsalysuǧa şaqyrdy, öitkenı Ädılettı Qazaqstannyŋ qalyptasuy ärbır azamatqa, sonyŋ ışınde bırınşı kezekte jastarǧa jastarǧa bailanysty.
Anyqtama: Halyqaralyq sybailas jemqorlyqqa qarsy küres künı 2004 jyldan bastap jyl saiyn 9 jeltoqsanda atap ötıledı. BŪŪ Bas Assambleiasy jariialaǧan. 2003 jyldyŋ däl osy künı Meksikada qol qoiu üşın BŪŪ-nyŋ Sybailas jemqorlyqqa qarsy konvensiiasy aşyldy.
