قر باس پروكۋرورىنىڭ ورىنباسارى جاندوس ومىراليەۆ الەۋمەتتىك جەلىلەردە سوت تىيىم سالعان ۇيىمنىڭ 2022 جىلعى 20 قاراشادا زاڭسىز ميتينگىلەردى وتكىزۋگە، قاتىسۋعا جانە وزگە دە قۇقىققا قايشى ارەكەتتەر جاساۋعا شاقىرۋىنا بايلانىستى ۇندەۋ جاسادى، دەپ حابارلايدى «ادىرنا» ءتىلشىسى.
«ۇلتتىق جانە حالىقارالىق قۇقىققا سايكەس، تەرروريزمدى نەمەسە زورلىق-زومبىلىق ەكسترەميزمدى ناسيحاتتايتىن وسىنداي ۇيىمداردىڭ كەز كەلگەن قىزمەتىنە تىيىم سالىنعان.
«قازاقستان رەسپۋبليكاسىندا بەيبىت جينالىستار، ميتينگىلەر، شەرۋلەر، پيكەتتەر مەن دەمونستراتسيالار ۇيىمداستىرۋ جانە وتكىزۋ ءتارتىبى تۋرالى» زاڭمەن ولاردىڭ وسىنداي اكتسيالاردى ۇيىمداستىرۋىنا جول بەرمەۋ بەكىتىلگەن. ەگەر اكتسيالار مەملەكەتتىڭ قاۋىپسىزدىگىنە نۇقسان كەلتىرۋگە، باسقا دا قىلمىستىق ارەكەتتەر جاساۋعا باعىتتالعان بولسا، ولاردى جۇرگىزۋگە دە رۇقسات جوق. قۇقىق قورعاۋ ورگاندارى قازاقستان رەسپۋبليكاسىنىڭ زاڭناماسىن بۇزاتىن ادامدارعا زاڭدا كوزدەلگەن شارالاردى قابىلدايدى جانە كەز كەلگەن قۇقىق بۇزۋشىلىقتاردىڭ جولىن كەسەدى»،—دەدى ول.
ايتا كەتەيىك، باس پروكۋراتۋرا ازاماتتاردى سوت تىيىم سالعان ۇيىمدار مەن ولاردىڭ ارتىندا تۇرعان ادامداردىڭ ارانداتۋىنا ەرمەۋدى، ولاردىڭ زاڭسىز ارەكەتتەرىنە قاتىسۋدان باس تارتۋدى جانە زاڭدى مۇلتىكسىز ساقتاۋدى الدىن الا ەسكەرتەدى.
