QR Bas Prokýrorynyń orynbasary Jandos Ómirálıev áleýmettik jelilerde sot tyıym salǵan uıymnyń 2022 jylǵy 20 qarashada zańsyz mıtıngilerdi ótkizýge, qatysýǵa jáne ózge de quqyqqa qaıshy áreketter jasaýǵa shaqyrýyna baılanysty úndeý jasady, dep habarlaıdy «Adyrna» tilshisi.
«Ulttyq jáne halyqaralyq quqyqqa sáıkes, terrorızmdi nemese zorlyq-zombylyq ekstremızmdi nasıhattaıtyn osyndaı uıymdardyń kez kelgen qyzmetine tyıym salynǵan.
«Qazaqstan Respýblıkasynda beıbit jınalystar, mıtıngiler, sherýler, pıketter men demonstraııalar uıymdastyrý jáne ótkizý tártibi týraly» Zańmen olardyń osyndaı akııalardy uıymdastyrýyna jol bermeý bekitilgen. Eger akııalar memlekettiń qaýipsizdigine nuqsan keltirýge, basqa da qylmystyq áreketter jasaýǵa baǵyttalǵan bolsa, olardy júrgizýge de ruqsat joq. Quqyq qorǵaý organdary Qazaqstan Respýblıkasynyń zańnamasyn buzatyn adamdarǵa zańda kózdelgen sharalardy qabyldaıdy jáne kez kelgen quqyq buzýshylyqtardyń jolyn kesedi»,—dedi ol.
Aıta keteıik, Bas prokýratýra azamattardy sot tyıym salǵan uıymdar men olardyń artynda turǵan adamdardyń arandatýyna ermeýdi, olardyń zańsyz áreketterine qatysýdan bas tartýdy jáne zańdy múltiksiz saqtaýdy aldyn ala eskertedi.
