قر پرەزيدەنتتىگىنە كانديدات مەيرام قاجىكەن شىمكەنتتەگى وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىندە بولدى. مۇندا جوو ستۋدەنتتەرىمەن جانە وقىتۋشىلارىمەن كەزدەسۋ وتكىزدى.
ءبىلىم الۋشىلار كانديداتقا شىنايى قىزىعۋشىلىق تانىتىپ، سۇراقتار قويىا، بەلسەندىلىك تانىتتى. ولار ءبىلىم بەرۋ، مادەنيەتتى دامىتۋ، ساياسات پەن قاتار ەكونوميكا مەن ۇلتتىق قاۋىپسىزدىك تاقىرىپتارىن دا كوتەردى.
م. قاجىكەن وڭتۇستىك وبلىستاردىڭ الەۋمەتتىك-ەكونوميكالىق دامۋى ءۇشىن، سونداي-اق ەلدىڭ قورعانىس قابىلەتىن ارتتىرۋ ءۇشىن اسكەري جانە ازاماتتىق تەحنيكا ءوندىرىسى جولعا قويىلعان قۋاتتى اسكەري-ونەركاسىپتىك كەشەن قۇرۋ قاجەت ەكەنىن اتاپ ءوتتى.
"تاراز بەن شىمكەنت اراسىندا تۇلكىباس كەنتى بار. وندا ءسىز ۇلكەن تەحنولوگيالىق كلاستەر جاساي الاسىز. ءبىز قازىر حالىقارالىق جاعدايدىڭ قانداي ەكەنىن كورەمىز: رەسەي مەن ۋكراينا اراسىنداعى سوعىس، وڭتۇستىكتەگى كورشىلەر ءبارى تىنىش ەمەس. ءبىز ءوز تىنىشتىعىمىزدى قورعاي ءبىلۋىمىز كەرەك. قارۋىمىزدى جاسايتىن ۋاقىتى كەلدى. مۇنى تۇلكىباستا جاساۋعا بولادى. ول ءۇشىن ءوندىرىس دامۋى كەرەك. تاراز بەن شىمكەنتتە حيميالىق، تەمىربەتون جانە مەتالل ونىمدەرىن وندىرەتىن كاسىپورىندار بار. كلاستەردىڭ ارقاسىندا جۇمىس ورىندارى تابىلادى. ەگەر ءسىز جاقسى زاماناۋي كلاستەردى اشا الساڭىز، وندا قارۋ-جاراق زاماناۋي بولادى. مەىڭ ويىمشا – بولاشاقتا وسىنداي ءوندىرىستى قۇرۋ كەرەك", - دەدى كانديدات.
م.قاجىكەن ايتۋىنشا، بۇل كلاستەردە، حيميا، بيولوگيا، فيزيكا، ينجەنەريا پاندەرىن وقيتىن ستۋدەنتتەر جۇمىس ىستەي الار ەدى. ويتكەنى بۇل باعىتتاردىڭ بارلىعى ونەركاسىپتىك-تەحنولوگيالىق كلاستەردىڭ اشىلۋى مەن جۇمىس ىستەۋى ءۇشىن قاجەت.
ۇممىتكەر جيىندا جاس ۇرپاققا، ولاردىڭ كۇشىنە جانە قالىپتاسقان الەمدى وزگەرتۋگە دەگەن سەنىمىن ءبىلدىردى.
"جاستار بارلىق ۋاقىتتا ەرەسەكتەردەن ەرەكشەلەندى. ءسىز بىزدەن وزگەشەسىز. سىزدە اشىق كوزقاراس بار، سىزدە قورقىنىش جوق. بۇل جولدان تايماڭىز. الەمگە اشىق بولىڭىز، جاسىرىنباڭىز. بولاشاقتا ءسىز دە جاستاردى وقىتىپ، ولارعا ءبىلىم مەن تاجىريبە بەرەسىز", - دەپ قوستى ول.
ۇمىتكەر ءوزىنىڭ ساياسي باعدارلاماسىندا جاستارعا ۇلكەن باسىمدىق جاسايدى. ونىڭ ايتۋىنشا، قازىر جاستار ءۇشىن قوعامنىڭ بارلىق سالالارىندا قاجەتتى جاعدايلار جاساۋ قاجەت.
"مەن پرەزيدەنت بولعان كەزدەگى مىندەتىم-سىزدەرگە ەسىك اشۋ، مۇمكىندىكتەر بەرۋ. جاستاردى الداۋ مۇمكىن ەمەس، مەن وعان ستۋدەنتتەرمەن كەزدەسكەن سايىن ككوزىم جەتەدى. سوندىقتان مەن ولارعا شىندىقتى ايتامىن", - دەدى م.قاجىكەن.
ول سونداي-اق تۇرعىن ۇيمەن قامتاماسىز ەتۋ، جالاقىنى، زەينەتاقىنى، الەۋمەتتىك تولەمدەردى ارتتىرۋ، مەديتسينا ساپاسىن جاقسارتۋ ماسەلەلەرىن دە اينالىپ وتپەدى.
ستۋدەنتتەر ۇمىتكەردەن پرەزيدەنتتىكتىڭ ءبىرىنشى كۇنىندە نە ىستەگىسى كەلەتىنىن سۇرادى. "ارينە، مەن كاسىپوداق ماسەلەلەرىن شەشەمىن. ولار مەنى العا تارتتى، مەن ولاردىڭ سەنىمىن اقتاۋىم كەرەك. بۇل تۇرعىدا مەنىڭ مىندەتىم – بارلىق تاراپتاردىڭ-ەڭبەكشىلەردىڭ، جۇمىس بەرۋشىلەردىڭ جانە مەملەكەتتىڭ مۇددەلەرىن ساقتاي وتىرىپ، تەڭ قۇقىقتارمەن الەۋمەتتىك ارىپتەستىك ينستيتۋتىن قۇرۋ", - دەدى مەيرام قاجىكەن.
