QR Prezıdenttigine Kandıdat Meıram Qajyken Shymkenttegi Ońtústik Qazaqstan memlekettik pedagogıkalyq ýnıversıtetinde boldy. Munda JOO stýdentterimen jáne oqytýshylarymen kezdesý ótkizdi.
Bilim alýshylar kandıdatqa shynaıy qyzyǵýshylyq tanytyp, suraqtar qoıya, belsendilik tanytty. Olar bilim berý, mádenıetti damytý, saıasat pen qatar ekonomıka men ulttyq qaýipsizdik taqyryptaryn da kóterdi.
M. Qajyken ońtústik oblystardyń áleýmettik-ekonomıkalyq damýy úshin, sondaı-aq eldiń qorǵanys qabiletin arttyrý úshin áskerı jáne azamattyq tehnıka óndirisi jolǵa qoıylǵan qýatty áskerı-ónerkásiptik keshen qurý qajet ekenin atap ótti.
"Taraz ben Shymkent arasynda Túlkibas kenti bar. Onda siz úlken tehnologııalyq klaster jasaı alasyz. Biz qazir halyqaralyq jaǵdaıdyń qandaı ekenin kóremiz: Reseı men Ýkraına arasyndaǵy soǵys, ońtústiktegi kórshiler bári tynysh emes. Biz óz tynyshtyǵymyzdy qorǵaı bilýimiz kerek. Qarýymyzdy jasaıtyn ýaqyty keldi. Muny Túlkibasta jasaýǵa bolady. Ol úshin óndiris damýy kerek. Taraz ben Shymkentte hımııalyq, temirbeton jáne metall ónimderin óndiretin kásiporyndar bar. Klasterdiń arqasynda jumys oryndary tabylady. Eger siz jaqsy zamanaýı klasterdi asha alsańyz, onda qarý-jaraq zamanaýı bolady. Meiń oıymsha – bolashaqta osyndaı óndiristi qurý kerek", - dedi kandıdat.
M.Qajyken aıtýynsha, bul klasterde, hımııa, bıologııa, fızıka, ınjenerııa pánderin oqıtyn stýdentter jumys isteı alar edi. Óıtkeni bul baǵyttardyń barlyǵy ónerkásiptik-tehnologııalyq klasterdiń ashylýy men jumys isteýi úshin qajet.
Úmmitker jıynda jas urpaqqa, olardyń kúshine jáne qalyptasqan álemdi ózgertýge degen senimin bildirdi.
"Jastar barlyq ýaqytta eresekterden erekshelendi. Siz bizden ózgeshesiz. Sizde ashyq kózqaras bar, sizde qorqynysh joq. Bul joldan taımańyz. Álemge ashyq bolyńyz, jasyrynbańyz. Bolashaqta siz de jastardy oqytyp, olarǵa bilim men tájirıbe beresiz", - dep qosty ol.
Úmitker óziniń saıası baǵdarlamasynda jastarǵa úlken basymdyq jasaıdy. Onyń aıtýynsha, qazir jastar úshin qoǵamnyń barlyq salalarynda qajetti jaǵdaılar jasaý qajet.
"Men Prezıdent bolǵan kezdegi mindetim-sizderge esik ashý, múmkindikter berý. Jastardy aldaý múmkin emes, Men oǵan stýdenttermen kezdesken saıyn kkózim jetedi. Sondyqtan men olarǵa shyndyqty aıtamyn", - dedi M.Qajyken.
Ol sondaı-aq turǵyn úımen qamtamasyz etý, jalaqyny, zeınetaqyny, áleýmettik tólemderdi arttyrý, medıına sapasyn jaqsartý máselelerin de aınalyp ótpedi.
Stýdentter úmitkerden prezıdenttiktiń birinshi kúninde ne istegisi keletinin surady. "Árıne, men kásipodaq máselelerin sheshemin. Olar meni alǵa tartty, men olardyń senimin aqtaýym kerek. Bul turǵyda meniń mindetim – barlyq taraptardyń-eńbekshilerdiń, jumys berýshilerdiń jáne memlekettiń múddelerin saqtaı otyryp, teń quqyqtarmen áleýmettik áriptestik ınstıtýtyn qurý", - dedi Meıram Qajyken.
