پرەزيدەنتتىككە كانديدات قاسىم-جومارت توقاەۆتىڭ رەسپۋبليكالىق قوعامدىق شتابىنىڭ مۇشەلەرى الماتى تۇرعىندارىمەن بىرقاتار كەزدەسۋ وتكىزدى.
الماتى قالاسىندا وتكەن سايلاۋشىلارمەن كەزدەسۋدە رەسپۋبليكالىق قوعامدىق شتابتىڭ باسشىسى ەرلان قوشانوۆ سايلاۋ ناۋقانى باستالعاننان بەرى ەلىمىزدىڭ بارلىق وڭىرىندە 20 مىڭنان استام ۇگىت-ناسيحات ءىس-شاراسى وتكەنىن اتاپ ءوتتى.
«قاسىم-جومارت توقاەۆتىڭ جاقتاستارى قالالاردىڭ، اۋدانداردىڭ جانە شالعايداعى ەلدى مەكەندەردىڭ تۇرعىندارىمەن كەزدەسىپ، كانديداتتىڭ سايلاۋالدى باعدارلاماسىنىڭ نەگىزگى باعىتتارىن ءتۇسىندىردى. جالپى، ءبىر ايعا جەتپەيتىن ۋاقىت ىشىندە وتكەن ۇگىت-ناسيحات شارالارىنا 2 ميلليوننان استام قازاقستاندىق قاتىستى»، - دەدى ەرلان قوشانوۆ.
الماتىدا ءال-فارابي اتىنداعى قازۇۋ جاتاقحانالارىنىڭ بىرىندە ستۋدەنتتەرمەن وتكەن كەزدەسۋ بارىسىندا شتاب مۇشەلەرى كانديداتتىڭ جاستار ساياساتىن جەتىلدىرۋ جونىندەگى باسىمدىقتارىنا نازار اۋداردى.
بۇدان سوڭ قاسىم-جومارت توقاەۆتىڭ جاقتاستارى ساياساتتانۋشىلارمەن جانە ساراپشىلارمەن سايلاۋالدى باعدارلامانىڭ ساياسي وزگەرىستەرگە، مەملەكەتتىك اپپاراتتىڭ تيىمدىلىگىن ارتتىرۋعا جانە ازاماتتاردىڭ قۇقىقتارىن قورعاۋعا ارنالعان ءبولىمىن تالقىلادى.
وسى كۇنى شاعىن جانە ورتا بيزنەس وكىلدەرىمەن كەزدەسۋ ءوتىپ، ونىڭ بارىسىندا رقش مۇشەلەرى كانديداتتىڭ كاسىپكەرلىكتى قولداۋ جانە دامىتۋ جونىندەگى ۇسىنىپ وتىرعان باستامالارى تۋرالى ايتىپ بەردى.
زيالى قاۋىممەن كەزدەسۋدە رقش مۇشەلەرى كانديداتتىڭ تاريحي مۇرانى ساقتاۋ، مادەنيەتتى قولداۋ جانە وتاندىق ونەردى دامىتۋ بويىنشا ۇسىنعان شارالارىن تالقىلادى.
