الماتىنىڭ جەتىسۋ اۋدانىندا ينجەنەرلىك جەلىلەردى جاڭارتۋ جۇمىستارى قارقىندى

758
Adyrna.kz Telegram

1 قىركۇيەكتە پرەزيدەنت قاسىم-جومارت توقاەۆ قازاقستان حالقىنا جىل سايىنعى جولداۋىندا   ينجەنەرلىك جەلىلەردى جاڭارتۋدى تاپسىردى. وندا ول ۇكىمەتكە ەلىمىزدەگى جىلۋ جانە سۋ جەلىلەرىن جاڭارتۋ كەرەكتىگىن باسا نازارعا الۋعا پارمەن بەردى، دەپ حابارلايدى «ادىرنا» ءتىلشىسى.

مەملەكەت باسشىسى ءوز جولداۋىندا: «ەلىمىزدە ەلەكترمەن جابدىقتاۋ جەلىلەرىنىڭ ۇشتەن ەكىسى، جىلۋ كوممۋنيكاتسيالارىنىڭ 57 پايىزى جانە سۋمەن جابدىقتاۋ جەلىلەرىنىڭ جارتىسىنا جۋىعى توزعان. بۇل ساندار ويدان شىعارىلعان جوق. تاريفتەردى جاساندى تەجەۋ ​​ەلەكتر جارىعىن وشىرۋگە، اپاتتارعا اكەلەدى، سونىڭ سالدارىنان ازاماتتاردىڭ دەنساۋلىعى مەن ومىرىنە قاۋىپ توندىرۋدە»، – دەدى.

مونوپوليالىق نارىقتاردا «ينۆەستيتسياعا ايىرباس ءتاريفى» جاڭا تاريفتىك ساياساتىنا كوشۋ قاجەتتىگىن ەسكەرىپ،  پرەزيدەنت جەلىلەر مەن قۋاتتاردىڭ توزۋىن كەم دەگەندە 15 پايىزعا ازايتۋدى تاپسىرعان بولاتىن.

قاسىم-جومارت توقاەۆتىڭ بۇل تاپسىرماسى الماتى شاھارىندا جۇيەلى تۇردە ورىندالۋدا. بۇل تۋرالى الماتى اكىمى ەربولات دوساەۆ جەتىسۋ اۋدانى تۇرعىندارىمەن كەزدەسۋىندە ايتتى.  قالا باسشىسى بايانداماسىندا  اۋدانداعى ينجەنەرلىك جەلىلەردى جاڭعىرتۋ جۇمىستارى قالاي ءجۇرىپ جاتقانىنا توقتالىپ ءوتتى.

 

"وسى جىلدىڭ قىركۇيەك ايىندا سىزدەرمەن كەزدەسكەن كەزدە قۇلاگەر شاعىناۋدانىنداعى جىلۋمەن جابدىقتاۋ جەلىلەرىن (1,7 كم) رەكونسترۋكتسيالاۋ جۇمىستارىن تەزدەتۋ تۋرالى ماسەلە كوتەرىلدى. قۇلاگەردەگى جىلۋ جەلىلەرىن رەكونسترۋكتسيالاۋ قازان ايىنىڭ سوڭىندا اياقتالدى. قۇبىرلار جەر استىنا اۋىستىرىلدى، اسفالت قالپىنا كەلتىرىلدى، ەسكى جەرۇستى قۇبىرلارى بولشەكتەپ الىنىپ جاتىر", - دەدى قالا اكىمى.

ونىڭ ايتۋىنشا، قازىباەۆ كوشەسى، رىسقۇلوۆ داڭعىلى، تاتىبەكوۆ كوشەسى، رايىمبەك داڭعىلى بولىگىندەگى ۇزىندىعى 57,9 كم سۋمەن قامتۋ جەلىلەرىن رەكونسترۋكتسيالاۋ جانە كاناليزاتسيا سالۋ جۇمىستارى (سۋ قۇبىرى – 42,9 كم، كاناليزاتسيا– 15 كم) اياقتالىپ كەلەدى. بۇل رەتتە قازىلعان بارلىق كوشەلەر بيىلعى قاراشا ايىنىڭ سوڭىنا دەيىن تيىسىنشە قالپىنا كەلتىرىلەتىن بولادى.

"اۋدان تۇرعىندارىن، اتاپ ايتقاندا، پاللادين – پاۆلودارسكايا – سەلسكايا – بورالداي كوشەلەرى مەن كەمەل شاعىناۋدانىنىڭ تۇرعىندارىن ەلەكتر قۋاتىمەن ۇزدىكسىز قامتاماسىز ەتۋ ءۇشىن 40 كم ەسكىرگەن جەلىلەردى رەكونسترۋكتسيالاۋ جۇمىستارى ءجۇرىپ جاتىر. جۇمىستار وسى جىلدىڭ تامىز ايىندا باستالدى. قازىردىڭ وزىندە 800 تىرەك ورناتىلىپ، 15,8 كم كابەل تارتىلدى. پاللادين – پاۆلودارسكايا – سەلسكايا – بورالداي كوشەلەرىندەگى جۇمىستاروسى جىلدىڭ سوڭىنا دەيىن، كەمەل شاعىناۋدانىنداعى جۇمىستار 2023 جىلدىڭ ءساۋىر ايىندا اياقتالادى", - دەپ مالىمدەدى مەگاپوليس باسشىسى.

ونىڭ ايتۋىنشا، بۇل  4 000-نان استام ابونەنتتى ۇزدىكسىز ەلەكترمەن قامتاماسىز ەتۋگە مۇمكىندىك بەرەدى.

وسى جىلدىڭ سوڭىنا دەيىن جەتىسۋ اۋدانىنداعى 6 كوشەدە جارىق جۇيەسىن جاڭارتۋ جۇمىستارى جۇرگىزىلەتىن بولادى.

ءبىرىنشى كەزەكتەگى جارتىلاي جارىق جۇرگىزىلمەگەن كوشەلەردى جارىقتاندىرۋ ماقساتىندا وسى جىلدىڭ سوڭىنا دەيىن جەتىسۋ اۋدانىنداعى 76 كوشەگە سىرتقى جارىقتاندىرۋ جەلىسىن جۇرگىزۋ جۇمىستارى اياقتالادى.

 

 

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket