1 qyrkúıekte Prezıdent Qasym-Jomart Toqaev Qazaqstan halqyna jyl saıynǵy Joldaýynda ınjenerlik jelilerdi jańartýdy tapsyrdy. Onda ol úkimetke elimizdegi jylý jáne sý jelilerin jańartý kerektigin basa nazarǵa alýǵa pármen berdi, dep habarlaıdy «Adyrna» tilshisi.
Memleket basshysy óz Joldaýynda: «Elimizde elektrmen jabdyqtaý jelileriniń úshten ekisi, jylý kommýnıkaııalarynyń 57 paıyzy jáne sýmen jabdyqtaý jelileriniń jartysyna jýyǵy tozǵan. Bul sandar oıdan shyǵarylǵan joq. Tarıfterdi jasandy tejeý elektr jaryǵyn óshirýge, apattarǵa ákeledi, sonyń saldarynan azamattardyń densaýlyǵy men ómirine qaýip tóndirýde», – dedi.
Monopolııalyq naryqtarda «Investıııaǵa aıyrbas tarıfi» jańa tarıftik saıasatyna kóshý qajettigin eskerip, Prezıdent jeliler men qýattardyń tozýyn kem degende 15 paıyzǵa azaıtýdy tapsyrǵan bolatyn.
Qasym-Jomart Toqaevtyń bul tapsyrmasy Almaty shaharynda júıeli túrde oryndalýda. Bul týraly Almaty ákimi Erbolat Dosaev Jetisý aýdany turǵyndarymen kezdesýinde aıtty. Qala basshysy baıandamasynda aýdandaǵy ınjenerlik jelilerdi jańǵyrtý jumystary qalaı júrip jatqanyna toqtalyp ótti.
"Osy jyldyń qyrkúıek aıynda sizdermen kezdesken kezde Qulager shaǵynaýdanyndaǵy jylýmen jabdyqtaý jelilerin (1,7 km) rekonstrýkııalaý jumystaryn tezdetý týraly másele kóterildi. Qulagerdegi jylý jelilerin rekonstrýkııalaý qazan aıynyń sońynda aıaqtaldy. Qubyrlar jer astyna aýystyryldy, asfalt qalpyna keltirildi, eski jerústi qubyrlary bólshektep alynyp jatyr", - dedi qala ákimi.
Onyń aıtýynsha, Qazybaev kóshesi, Rysqulov dańǵyly, Tátibekov kóshesi, Raıymbek dańǵyly bóligindegi uzyndyǵy 57,9 km sýmen qamtý jelilerin rekonstrýkııalaý jáne kanalızaııa salý jumystary (sý qubyry – 42,9 km, kanalızaııa– 15 km) aıaqtalyp keledi. Bul rette qazylǵan barlyq kósheler bıylǵy qarasha aıynyń sońyna deıin tıisinshe qalpyna keltiriletin bolady.
"Aýdan turǵyndaryn, atap aıtqanda, Palladın – Pavlodarskaıa – Selskaıa – Boraldaı kósheleri men Kemel shaǵynaýdanynyń turǵyndaryn elektr qýatymen úzdiksiz qamtamasyz etý úshin 40 km eskirgen jelilerdi rekonstrýkııalaý jumystary júrip jatyr. Jumystar osy jyldyń tamyz aıynda bastaldy. Qazirdiń ózinde 800 tirek ornatylyp, 15,8 km kabel tartyldy. Palladın – Pavlodarskaıa – Selskaıa – Boraldaı kóshelerindegi jumystarosy jyldyń sońyna deıin, Kemel shaǵynaýdanyndaǵy jumystar 2023 jyldyń sáýir aıynda aıaqtalady", - dep málimdedi megapolıs basshysy.
Onyń aıtýynsha, bul 4 000-nan astam abonentti úzdiksiz elektrmen qamtamasyz etýge múmkindik beredi.
Osy jyldyń sońyna deıin Jetisý aýdanyndaǵy 6 kóshede jaryq júıesin jańartý jumystary júrgiziletin bolady.
Birinshi kezektegi jartylaı jaryq júrgizilmegen kóshelerdi jaryqtandyrý maqsatynda osy jyldyń sońyna deıin Jetisý aýdanyndaǵy 76 kóshege syrtqy jaryqtandyrý jelisin júrgizý jumystary aıaqtalady.
