مەملەكەت باسشىسى قاسىم-جومارت توقاەۆتىڭ 2021 جىلعى 1 قىركۇيەكتەگى قازاقستان حالقىنا جولداۋىندا «حالىق قاتىساتىن بيۋدجەت» تابىستى ەنگىزىلگەنىن اتاپ ءوتتى، دەپ حابارلايدى «ادىرنا» ءتىلشىسى.
مەملەكەت باسشىسى جولداۋدا: «جەرگىلىكتى ءوزىن-ءوزى باسقارۋدى دامىتۋ –باسىم باعىتتىڭ ءبىرى. «حالىق قاتىساتىن بيۋدجەت» ورتالىققا باعىناتىن قالالار مەن وبلىس ورتالىقتارىنا تابىستى ەنگىزىلدى. ازاماتتاردىڭ ناقتى سۇرانىسىنا سايكەس ونداعان اباتتاندىرۋ جوباسى جۇزەگە اسىرىلدى. بۇل – جاقسى تاجىريبە. ەندى اباتتاندىرۋ جانە تۇرعىن-ءۇي كوممۋنالدىق شارۋاشىلىعىنىڭ بيۋدجەتىندەگى «حالىق قاتىساتىن» ۇلەستى 10 ەسە ارتتىرۋ كەرەك»،-دەگەن بولاتىن.
بۇل باعىتتاعى جۇمىستار الدماتى قالاسىنا قاراسىت المالى اۋدانىندا دا اتقارىلىپ كەلەدى. بۇل تۋرالى ەربولات دوساەۆ تۇرعىندارمەن كەزدەسۋ كەزىندە مالىمدەدى.
بيىل «حالىق قاتىساتىن بيۋدجەت» باعدارلاماسى بويىنشا المالى اۋدانىندا 800 ملن. تەڭگە سوماسىنا 39 جوبا 100% ورىندالدى.
ونىڭ ايتۋىنشا، اۆتوسۋعارۋ جۇيەسىمەن جابدىقتاۋ جۇمىستارى اياقتالدى. «ارو»، «ازتم» 2 سكۆەرى، سونداي-اق اباي داڭعىلىنان تولە بي كوشەسىنە دەيىن، گاگارين، بايتۇرسىنوۆ كوشەسىنەن ءشارىپوۆ كوشەسىنە دەيىن، بوگەنباي باتىر جانە ابىلاي حان داڭعىلىنان ناۋرىزباي باتىر كوشەسىنە دەيىن، قاراساي باتىر كوشەلەرىندەگى بۋلۆارلار كەشەندى تۇردە كوگالداندىرىلدى.
سونداي-اق 8 قوعامدىق جانە 21 اۋلا ورىندارى اباتتاندىرىلدى. 1 سپورت جانە 1 بالالار الاڭى، 1 يتتەردى سەرۋەندەتۋگە ارنالعان الاڭ، 3 كومىلگەن قوقىس الاڭى سالىندى،
2 الاڭنىڭ رەزەڭكە جابىنى جاڭارتىلدى جانە 21 اۋلا جوندەلدى.
"2023 جىلعا داۋىس بەرۋ قورىتىندىسى بويىنشا بەرىلگەن 171 ۇسىنىستىڭ ىشىنەن 800 ملن. تەڭگە سوماسىنا 18 جوبا الدىن الا ىرىكتەپ الىندى", - دەدى قالا اكىمى بايانداماسىندا.
