"2025 جىلعا قاراي گرانت سانى 75 مىڭعا دەيىن ۇلعايتىلادى". بۇل پىكىردى قر پارلامەنتى ءماجىلىسىنىڭ دەپۋتاتى جۇلدىز سۇلەيمەنوۆا ءوزىنىڭ فەيسبۋك پاراقشاسىندا حابارلادى، دەپ جازادى "ادىرنا" ۇلتتىق پورتالى.
"سوڭعى 3 جىلدا قازاقستاندا گرانتتار سانى 2 ەسە ءوستى. 2025 جىلعا قاراي گرانت سانى 75 مىڭعا دەيىن ۇلعايتىلادى. حالىق تىعىز قونىستانعان وڭىرلەردىڭ (تۇركىستان، ماڭعىستاۋ، اتىراۋ جانە الماتى وبلىستارى) تۇلەكتەرىنە تەحنيكالىق ماماندىقتارعا ارنالعان 10 مىڭ نىسانالى گرانت ءبولۋ جوسپارلانىپ وتىر. تەحنيكالىق جانە ينجەنەرلىك كادرلاردى دايارلاۋعا ەرەكشە نازار اۋدارىلادى. سوندىقتان 2022 جىلى تەحنيكالىق جانە IT-باعىتتارعا ارنالعان گرانتتاردىڭ ۇلەسى 60%-عا دەيىن ۇلعايدى. قۋاتتى قازاقستان قۇرۋ ءۇشىن ءبىلىم ەكونوميكاسى ەڭبەك نارىعىنىڭ قاجەتتىلىكتەرىنە سايكەس كادرلاردى دايارلاۋدى قولعا الۋى قاجەت. ادىلەتتى قازاقستاندى بىرگە قۇرايىق!", - دەپ جازدى دەپۋتات.
"ادىرنا" ۇلتتىق پورتالى
