يركۋتسكىدە اپاتقا ۇشىراعان سۋ-30 اسكەري ۇشاعىنىڭ ەكى ۇشقىشى دا قازا تاپتى، دەپ جازادى "ادىرنا" ۇلتتىق پورتالى.
Zakon.kz حابارلاۋىنشا، سۋ-30 اسكەري جويعىش ۇشاعى سىناق كەزىندە اپاتقا ۇشىراعان. ايماقتىق تجد باسشىسىنىڭ ايتۋىنشا، ۇشاق پاۆەل كراسيلنيكوۆ كوشەسىندەگى ۇيگە قۇلاعان.
ۇشاق اۋەجايدان جەرگىلىكتى ۋاقىت بويىنشا 17:47-دە اۋەگە كوتەرىلدى. سودان كەيىن بىردەن بايلانىس ۇزىلگەن. ىلە-شالا تاعى ءبىر سۋ ۇشاعى اۋەگە اتتاندى. ونىڭ ەكيپاجى اپاتقا ۇشىراعان اسكەري ۇشاق ۇشقىشتارىنىڭ ەس-ءتۇسسىز كۇيدە بولعانىن كورگەن.
سۋ-30 - 4+ بۋىنىنىڭ كوپ ماقساتتى جويعىش ۇشاعى جانە ول يركۋتسكى اۆيازاۋىتىندا جاسالىپ شىعارىلادى.
"112" مالىمەتتەرى بويىنشا، ۇشاق قۇلاعان جەكە ءۇيدىڭ ءۇش تۇرعىنى ەۆاكۋاتسيالانىپ ۇلگەرگەن. اۋدانى 100 شارشى مەتردى قۇرايتىن تۇرعىن ءۇي ەكى وتباسىعا ارنالعان.
جەرگىلىكتى حالىق اراسىندا قۇربان بولعاندار جوق، ءورت وقشاۋلاندى، دەپ اتاپ ءوتتى ۆەدومستۆوداعىلار.
"ادىرنا" ۇلتتىق پورتالى
