پرەزيدەنتتىككە ۇمىتكەرلەر سايلاۋالدى ناۋقانعا كىرىستى

3129
Adyrna.kz Telegram

قر پرەزيدەنتتىگىنە ۇمىتكەرلەردىڭ رەسپۋبليكالىق شتابى اشىلىپ، ەل ىشىندە ۇگىت-ناسيحات جۇمىستارىن باستاپ كەتتى. قاسىم-جومارت توقاەۆ، جيگۋلي دايراباەۆ، نۇرلان اۋەسباەۆ، سالتانات تۇرسىنبەكوۆا، مەيرام قاجىكەن، قاراقات ابدەن سىندى 6 ۇمىتكەر سايلاۋ ناۋقانىنداعى ناقتى قادامدارىن تالقىلادى. سونىمەن قاتار، ۇمىتكەرلەر كامپانيا الدىندا تۇرعان ماقسات-مىندەتتەردى بەلگىلەدى. بۇل تۋرالى "ادىرنا" ۇلتتىق پورتالى حابارلادى.

21 قازان ساعات 18.00-دە قر پرەزيدەنتتىگىنە كانديدات قاسىم-جومارت توقاەۆتى قولداۋ جونىندەگى رەسپۋبليكالىق قوعامدىق شتاب ەلىمىزدىڭ بارلىق وڭىرىندە ۇگىت-ناسيحات ناۋقانىنا كىرىستى. حالىقتىق كواليتسيانىڭ بەلسەندىلەرى ەلىمىزدىڭ بارلىق وڭىرىندە ۇگىت-ناسيحات باسپا ونىمدەرىن تاراتۋ جانە اقپاراتتىق ماتەريالداردى باق پەن الەۋمەتتىك جەلىلەرگە جاريالاۋدى باستادى.

ەرتەڭ رەسپۋبليكالىق قوعامدىق شتابتىڭ العاشقى وتىرىسى وتەدى. سونىمەن قاتار، كەلەسى اپتادان باستاپ رقش مۇشەلەرى سايلاۋشىلارمەن كەزدەسۋ ءۇشىن ايماقتارعا بارادى.

قازاقستان رەسپۋبليكاسىنىڭ پرەزيدەنتتىگىنە كانديدات جيگۋلي دايراباەۆ ءوزىنىڭ سايلاۋالدى باعدارلاماسىمەن تانىستىردى.

«مەنىڭ سايلاۋالدى باعدارلامام ءبىزدىڭ باستى ۇلتتىق ارتىقشىلىقتارىمىز – دالا دەموكراتياسى قاعيداتتارىن; جوعارى رۋحاني-ادامي مادەنيەتتى; كۇشتى اگرارلىق سالانى جانە مىقتى وڭىرلەردى بارىنشا ىسكە اسىرۋعا نەگىزدەلگەن جاڭا قازاقستاندى قۇرۋعا باعىتتالعان»، – دەدى كانديدات جيگۋلي دايراباەۆ.

جالپىۇلتتىق سوتسيال-دەموكراتيالىق پارتيادان قر پرەزيدەنتتىگىنە ۇمىتكەر نۇرلان اۋەسباەۆتىڭ سايلاۋالدى شتابىن اشۋ جونىندەگى ۇيىمداستىرۋ كوميتەتىنىڭ جيىنى ءوتتى.  سايلاۋالدى شتابتىڭ جەتەكشىسى قىزمەتىنە جسدپ توراعاسى اسحات راحىمجانوۆ سايلاندى.

«وكىنىشكە قاراي، اۋماقتىڭ سايلاۋ كوميسسيالارى جينالعان قولدىڭ ءبىر بولىگىن ءتۇرلى سىلتاۋمەن كەرى قايتاردى. بۇعان قاراماستان ءبىز زاڭنامادا بەلگىلەنگەن كولەمدى ارتىعىمەن جينادىق»، – دەپ حابارلادى سايلاۋالدى شتاب جەتەكشىسى اسحات راحىمجانوۆ.

قر پرەزيدەنتتىگىنە كانديدات سالتانات تۇرسىنبەكوۆا ءوز شتابىمەن بىرگە ستاتۋس-كۆونى، سونداي-اق الداعى كەزەڭگە ارنالعان جوسپارلاردى تالقىلادى.

سالتانات تۇرسىنبەكوۆا كۇشتەردى ادىلدىك پەن الەۋمەتتىك تەڭدىكتى قامتاماسىز ەتۋگە، بالالاردى، ايەلدەردى، قارتتاردى جانە مۇمكىندىگى شەكتەۋلى ادامداردى قورعاۋ مەن قولداۋدىڭ ءتيىمدى جانە ناقتى تەتىگىن قۇرۋعا باعىتتاماق.  قۇجاتتا ءۇش نەگىزگى باعىت انىقتالعان: وتباسىلاردىڭ ءال-اۋقاتىن جاقسارتۋ، وتباسىنىڭ قاۋىپسىزدىگىن قامتاماسىز ەتۋ، سونداي-اق ادامي كاپيتالدى دامىتۋ.

پرەزيدەنتتىككە ۇمىتكەر مەيرام قاجىكەننىڭ  ءوزىنىڭ سايلاۋالدى باعدارلاماسىنىڭ باستى باعىتتارى تۋرالى ايتىپ بەردى. باعدارلامانىڭ باستى فوكۋسى – جاسى، جىنىسى، ۇلتى، ءدىنى مەن الەۋمەتتىك مارتەبەسىنە تاۋەلسىز ادام بولىپ cانالادى.

"ازاماتتىق قوعامنىڭ دامۋىنا، ونىڭ ىشىندە كاسىپوداق مۇددەلەرىن كورسەتەتىن مەملەكەت، جۇمىس بەرۋشى جانە قىزمەتكەر اراسىنداعى ديالوگ ىقپال ەتەدى. ءبىز زاڭنامالىق دەڭگەيدە تاراپتار ديالوگىن قولدانۋ اياسىن كەڭەيتۋگە، سول ارقىلى الەۋمەتتىك ارىپتەستىك ينستيتۋتىن جەتىلدىرۋگە نيەتتىمىز", - دەدى م.قاجىكەن.

20 20 قازان كۇنى قر پرەزيدەنتتىگىنە كانديدات ق. ابدەن شتابىنىڭ ءبىرىنشى وتىرىسى ءوتتى. وندا وڭىرلەردەگى ۇگىت-ناسيحات ناۋقانىنىڭ باعدارلاماسى، ءىس-شارالار جوسپارى بەكىتىلدى. سونداي-اق، قاتىسۋشىلار ءار ايماققا ساياحات جوسپارىن، كانديدات باعدارلاماسىن ەگجەي-تەگجەيلى تالقىلادى.

"ادىرنا" ۇلتتىق پورتالى

 

 

پىكىرلەر