مىرجاقىپ دۋلاتۇلى. ۇلاعاتتى ويلار.

ءۇش ءجۇزدىڭ بالاسى ءبارىڭ دە قازاقسىڭ. العان بايگەڭ قازاقتىكى بولادى. الدىرساڭ دا قازاقتى الدىراسىڭ.

 * * *

ادام بالاسى ۇمىتپەن جاسايدى. كىمدە-كىم ىستەگەن ءىسىن اڭعارىپ، تۇسكەن باعىتىنا، يەلەنگەن پىكىرىنە يمان كەلتىرۋمەن جاساعاندا عانا، كوزدەگەن ماقساتىنا جەتۋگە بولادى. كەشەگىسىن ۇمىتقان، بۇگىنگىسىن  سەزبەگەن، ەرتەڭگىسىنە قايعىرماعان ادام كىمگە باسشىلىق قىلادى.

 * * *

 بىز ءوز جۇرتىمىزدىڭ ءتىل سالتىنا،  زاڭىنا تۇسسەك، ەلگە جىلدام جاقىنداسامىز، ەلگە جاناسقان سايىن ەل اعارتقان ءىس گۇلدەيدى.

 * * *

 شىندىعىندا، بىزدەر حالىقتىڭ باسىن باسكە تىككىمىز كەلمەدى. حالىق تاعدىرى كارتا ويىنى ەمەس.

 * * *

 اداسسام – حالقىممەن بىرگە اداستىم، ساۋلەسى جارىق جولعا ۇمتىلسام – ۇلتىممەن قوسىلا ۇمتىلىپ باعامىن.

 * * *

 ۇكىمەت حالىققا تايانىپ ءىس قىلۋعا ءتيىس. ۇنەمى ۇكىمەتكە سۇيەنگەن حالىق ىلگەرى باسا المايدى.

* * *

 شىنىن ايتقاندا، كۇنى كەشە ءبارىمىز دە ۇلتشىل ەمەس پە ەدىك؟ قازاق وقىعاندارىنىڭ ەڭ اۋەلگى توبى ۇلتشىلدار ەمەس پە ەدى؟... «مەن الىمساقتان بەرى كوممۋنيست ەدىم... مەن 1905 جىلدان بەرى پارتيادا ەدىم...» - دەۋشىلەردىڭ ەرتەگىسى ءبىزدىڭ قۇلاعىمىزعا كىرىپ تە شىقپايدى. ات سىرى يەسىنە ءمالىم. ءبىز بىلمەيتىن قازاقتىڭ سىرى جوق! ال ۇلتشىلدارىمىز قانشا ەدى؟ شىن ۇلتشىلدىڭ ءوزى از ەدى. ۇلتشىل ەمەستەردىڭ كوبى ءوزىمشىل، دارەجە قۇمار، پاراشىل، شاعىمشىل، زورلىقشىل ەدى.

 * * *

 ۇيىمداسپاعان حالىق، ۇرانداسپاعان توپ – ماقساتىنا جەتە المايدى، كورىنگەنگە جەم بولادى، كەز – كەلگەنگە قۇل بولادى.

* * *

ءبىز مۇسىلمان ەكەنبىز. قۇدايدان تىلەيدى ەكەنبىز. دۇرىس-اق. بىراق بىزدەن باسقا مۇسىلماندار قۇر تىلەكپەن وتىر ما؟ جەر جۇزىندە 300 ميلليوننان استام مۇسىلمان بار. ولاردىڭ ىشىندەگى زور مەملەكەت – تۇركيا. ...ءبىز نە قىلىپ وتىرمىز؟ ءبىز جان-جاقتى جاساعانعا كۇزەتتىرىپ قويىپ وتىرمىز.

 * * *

 بىز باسىمىزعا تۇسكەن تارشىلىقتى بۇرىنعى بابالارىمىزدان كورەتىن ەدىك. سولار ءبىزدىڭ قامىمىزدى جەگەن بولسا، ءبىز مۇنداي قورلىقتا، تارلىقتا جۇرمەس ەدىك دەۋشى ەدىك. كەيىنگى بۋىننىڭ اتا-باباسى – بۇگىنگى ءتىرى جۇرگەن بىزدەر. ءبىز كەلەشەكتى ويلاماساق، كەيىنگى ءناسىلىمىز ءبىزدى قارعاماي ما؟ اللا قۇزىرىندا، تاريح الدىندا ءبىز جاۋاپكەر ەمەسپىز بە؟

Facebook - парақшамызға жазылыңыз!

YouTube - арнамызға жазылыңыз!

Instagram - парақшамызға жазылыңыз!

VK - тобымызға жазылыңыз!

Telegram - арнамызға жазылыңыз!

OK - парақшамызға жазылыңыз!

Twitter - парақшамызға жазылыңыз!

LinkedIn - парақшамызға жазылыңыз!

Басқалармен бөлісе отырыңыз