MIRJAQYP DÝLATULY. Ulaǵatty oılar.

Úsh júzdiń balasy báriń de qazaqsyń. Alǵan báıgeń qazaqtiki bolady. Aldyrsań da qazaqty aldyrasyń.

 * * *

Adam balasy úmitpen jasaıdy. Kimde-kim istegen isin ańǵaryp, túsken baǵytyna, ıelengen pikirine ıman keltirýmen jasaǵanda ǵana, kózdegen maqsatyna jetýge bolady. Keshegisin umytqan, búgingisin  sezbegen, erteńgisine qaıǵyrmaǵan adam kimge basshylyq qylady.

 * * *

 Biz óz jurtymyzdyń til saltyna,  zańyna tússek, elge jyldam jaqyndasamyz, elge janasqan saıyn el aǵartqan is gúldeıdi.

 * * *

 Shyndyǵynda, bizder halyqtyń basyn báske tikkimiz kelmedi. Halyq taǵdyry karta oıyny emes.

 * * *

 Adassam – halqymmen birge adastym, sáýlesi jaryq jolǵa umtylsam – ultymmen qosyla umtylyp baǵamyn.

 * * *

 Úkimet halyqqa taıanyp is qylýǵa tıis. Únemi úkimetke súıengen halyq ilgeri basa almaıdy.

* * *

 Shynyn aıtqanda, kúni keshe bárimiz de ultshyl emes pe edik? Qazaq oqyǵandarynyń eń áýelgi toby ultshyldar emes pe edi?... «Men álimsaqtan beri kommýnıst edim... men 1905 jyldan beri partııada edim...» - deýshilerdiń ertegisi bizdiń qulaǵymyzǵa kirip te shyqpaıdy. At syry ıesine málim. Biz bilmeıtin qazaqtyń syry joq! Al ultshyldarymyz qansha edi? Shyn ultshyldyń ózi az edi. Ultshyl emesterdiń kóbi ózimshil, dáreje qumar, parashyl, shaǵymshyl, zorlyqshyl edi.

 * * *

 Uıymdaspaǵan halyq, urandaspaǵan top – maqsatyna jete almaıdy, kóringenge jem bolady, kez – kelgenge qul bolady.

* * *

Biz musylman ekenbiz. Qudaıdan tileıdi ekenbiz. Durys-aq. Biraq bizden basqa musylmandar qur tilekpen otyr ma? Jer júzinde 300 mıllıonnan astam musylman bar. Olardyń ishindegi zor memleket – Túrkııa. ...Biz ne qylyp otyrmyz? Biz jan-jaqty Jasaǵanǵa kúzettirip qoıyp otyrmyz.

 * * *

 Biz basymyzǵa túsken tarshylyqty burynǵy babalarymyzdan kóretin edik. Solar bizdiń qamymyzdy jegen bolsa, biz mundaı qorlyqta, tarlyqta júrmes edik deýshi edik. Keıingi býynnyń ata-babasy – búgingi tiri júrgen bizder. Biz keleshekti oılamasaq, keıingi násilimiz bizdi qarǵamaı ma? Alla quzyrynda, tarıh aldynda biz jaýapker emespiz be?

Facebook - парақшамызға жазылыңыз!

YouTube - арнамызға жазылыңыз!

Instagram - парақшамызға жазылыңыз!

VK - тобымызға жазылыңыз!

Telegram - арнамызға жазылыңыз!

OK - парақшамызға жазылыңыз!

Twitter - парақшамызға жазылыңыз!

LinkedIn - парақшамызға жазылыңыз!

Басқалармен бөлісе отырыңыз