10 قازان 2018 ج. قازاق فيلولوگياسى جانە الەم تىلدەرى فاكۋلتەتىنىڭ شەتەل تىلدەرى كافەدراسى ۇجىمى قازاقستان پرەزيدەنتى نۇرسۇلتان ءابىشۇلى نازارباەۆتىڭ 2018 جىل 5 قازانداعى اقوردادا قازاقستان حالقىنا جولداعان جىل سايىنعى "قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ" جولداۋىنىڭ نەگىزگى ەرەجەلەرىن قىزۋ
تالقىلاپ، ءتۇسىندىردى. كافەدرا مەڭگەرۋشىسى تاريح عىلىمدارىنىڭ كانديداتى، دوتسەنت ا.ت.توقمەتوۆ كافەدرا ءماجىلىسىن اشىپ جانە ەلباسى جولداۋىنىڭ وزەكتىلىگى مەن ماڭىزدىلىعىنا توقتالىپ، اتالمىش جولداۋدىڭ كەلەشەكتە قازاقستاندىقتاردىڭ ءال-اۋقاتىن ارتىرۋعا، ءبىلىم ساپاسىن جاقسارتۋعا نەگىز بولاتىنىن اتاپ كورسەتتى. ەلباسىنىڭ قازاقستاندا جوو ساپاسى تۋرالى ءوز ويىمەن بولىسكەنىن ايتا كەلىپ، وقۋ ورنىندارىنىڭ ساپاسى، ونى ءبىتىرۋشى تۇلەكتەردىڭ تولىقتاي جۇمىسقا ورنالاسۋ كورسەتكىشىمەن تولىقتاي باعالانسا، ەلباسى ايتقانداي بۇل زور ىنتالاندىرۋ بولماق. كەيىن كافەدرا وقىتۋشىسى فيلولوگيا عىلىمدارىنىڭ كانديداتى ر.ك.سادىقوۆا ءوز ويىمەن ءبولىستى. ەلباسىنىڭ قازاقستان حالقىنا جولداۋى – حالىقتىڭ جاعدايىن دامىتۋعا، قازىرگى ۋاقىتتا ەڭ باستى مىندەتتەردىڭ ءبىرى بولعان – الەۋمەتتىك- ەكونوميكالىق احۋالعا قاتىستى بولىپ، ونى تۇبەگەيلى جاقسارتۋ ماقساتىندا ناقتى مىندەتتەر قويعانى، سوعان بايلانىستى جۇمىستى ودان ءارى جالعاستىرۋعا باسا كوڭىل ءبولىپ، حالىقتىڭ تابىسىن كوبەيتۋ كەرەك ەكەنىن اتاپ ءوتتى. وسى ورايدا ەڭ تومەنگى جالاقى مولشەرىن 1,5 ەسەگە ارتتىرۋ تاپسىرماسى 1 ميلليون 300 مىڭ ادامنىڭ تۇرمىس-تىرشىلىگىنە وڭ اسەر ەتەتىنىن، 275 مىڭ بيۋدجەتتىك مەكەمە قىزمەتكەرلەرىنىڭ جالاقىسى ورتا ەسەپپەن العاندا، 35 پايىزعا ارتاتىنى تۋرالى ايتىپ ءوتتى. سونداي-اق ەلباسى ۇستازداردىڭ دا الەۋمەتتىك جاعدايىنا باسا نازار اۋداردى، «پەداگوگ مارتەبەسى تۋرالى» جاڭا زاڭدى دايىنداۋ جايىنداعى جاڭا باستاماسى قازاقستاندىق مۇعالىمدەرگە ۇلكەن سەرپىن بەرەتىنىن، ۇستازدارعا بەرىلەتىن جۇكتەمەنى جەڭىلدەتۋ، ءۇش اۋىسىمدى وقىتۋ ماسەلەلەرىن شەشۋگە ەرەكشە توقتالعانى جايىندا ءسوز قوزعادى. ءسوز كەزەگىن اقان گ. الىپ، ەلباسىنىڭ جولداۋى – كەلەشەكتىڭ باستاۋى ەكەنىن ەرەكشە اتاپ، ءوز ويىمەن ءبولىسىپ، قازاقستان پرەزيدەنتى نارىقتا تەك جوعارى ءبىلىم بەرە الاتىن جوعارى وقۋ ورىندارى قالۋ كەرەكتىگىنە توقتالىپ ءوتتى. سودان سوڭ اعا وقىتۋشى كەبەكباەۆ م. پرەزيدەنت جولداۋى تۋرالى: «بۇل جولداۋدىڭ قازاقستان حالقىنا قىزمەت ەتەتىن، ونىڭ مەملەكەتتەر اراسىندا باسەكەگە قابىلەتىن ارتىراتىن باعالى قۇجاتتىڭ ءبىرى. ويتكەنى، پرەزيدەنتتىڭ ءاربىر تاپسىرماسى ەلدىڭ جارقىن بولاشاعى ءۇشىن جاسالىپ جاتىر. جولداۋ بۇكىل قازاقستاندى دامىتۋعا نەگىز بولادى جانە قازاقستاندىقتاردىڭ ءال-اۋقاتى جاقسارادى»- دەپ ءوز ويىن ءبىلدىردى. تالقىلاۋ سوڭىندا كافەدرا مەڭگەرۋشىسى ا.ت.توقمەتوۆ جوعارى وقۋ يورنىنىڭ باستى تابىستىلىعى – وقۋ بىتىرگەن ستۋدەنتتەردىڭ جۇمىسپەن قامتىلۋى، جالاقىسى جوعارى جۇمىسقا ورنالاسۋى، جوعارى وقۋ ورىندارىن ىرىلەندىرۋ ساياساتىن جۇرگىزىلۋى، نازارباەۆ ۋنيۆەرسيتەتىنىڭ تاجىريبەسىن نەگىزگە الىپ، ۇزدىك شەتەلدىك توپ-مەنەدجەرلەردى تارتىپ، الەمدەگى ەڭ بەدەلدى ۋنيۆەرسيتەتتەرىمەن بايلانىس جاساۋى ەكەندىگىن اتاپ بەردى. كافەدرانىڭ وقىتۋشىلار قاۋىمى جولداۋدىڭ ماڭىزدى جانە تاريحي قۇجات ەكەنىن ەسكەرە وتىرىپ، بۇل جولداۋدى ءبارىمىز قولداۋىمىز كەرەك دەپ ءوز ويلارىن ورتاعا سالدى.
فيلولوگيا عىلىمدارىنىڭ كانديداتى ر.ك. سادىقوۆا
"ادىرنا" ۇلتتىق پورتالى
