قازاقستاندا تۇرعىن ءۇي نارىعىن باقىلاۋعا الۋ ءۇشىن پاتەردى جالعا الۋ شارتتارىن eGov جۇيەسىندە جاساۋ ۇسىنىلدى. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى “ادىرنا” ۇلتتىق پورتالى.
رەسەي فەدەراتسياسىندا ءىشىنارا موبيليزاتسيا جاريالانعاننان كەيىن ەلىمىزگە كەلگەن كورشى ەل ازاماتتارىنىڭ سانى ارتتى. سايكەسىنشە، قازاقستاننىڭ بىرقاتار قالاسىندا جالعا بەرىلەتىن تۇرعىن ءۇيدىڭ باعاسى شارىقتاپ كەتتى. ماسەلەنى شەشۋ ءۇشىن تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى "ازاماتتارعا ارنالعان ۇكىمەت" پورتالىندا جالعا بەرۋشىلەر ءۇشىن ەلەكتروندى كەلىسىمشارت جاساۋدى ۇسىندى.
ء“بىز بەلگىلى ءبىر پلاتفورمالاردا، سونىڭ ىشىندە eGov.kz سايتىنداعى تەتىكتى ەكى رەت باسۋ ارقىلى جالعا بەرۋشى مەن جالعا الۋشى اراسىندا جاسالاتىن ستاندارتتى كەلىسىم-شارتقا قول جەتكىزگىمىز كەلەدى”، – دەدى تسيفرلىق دامۋ ءمينيسترى باعدات مۋسين.
