ورالدىق جۇمىسسىزدار نازارىنا!

1631
Adyrna.kz Telegram

ورال قالاسىندا، 31 تامىز كۇنى "ادىرنا" قق ۇيىمداستىرۋمەن بەلگىلى كاسىپكەرمەن كەزدەسۋ ءوتتى.

ءىس-شارانىڭ ماقساتى كوتەرىلەتىن ماسەلەلەر ارقىلى جاستاردى بولاشاق ومىرلىك جوسپارلارىنا ىنتالاندىرۋ جانە شىعارماشىلىق الەۋەتتى دامىتۋ.

كۇن تارتىبىندە جاستاردىڭ جۇمىس جانە وقۋعا كەلگەندە بەلسەندىلىك تانىتپاۋ سەبەپتەرىن انىقتاۋ، جاستارعا كومەك بەرۋ جانە كاسىبي باعدارلاۋ تۇرلەرى، ەڭبەك نارىعىنداعى قاجەتتى ماماندىقتار، جاستاردى كاسىپكەرلىك قىزمەتكە وقىتۋ، جاستارىنىڭ قوردالانعان ماسەلەلەرى تۋرالى كەزدەسۋ بولماق.

ءىس-شارا سپيكەرى “جانات” دۇكەندەر جەلىسىنىڭ قۇرىلتايشىسى، جەكە كاسىپكەر ايناگۇل باريسقىزى بولدى. 

كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىقتار جانە قاي سالانى بەلسەندى دامىتۋ كەرەك، جاستاردى كاسىپكەرلىك قىزمەتكە وقىتۋ، كاسىپكەردىڭ قاجەتتى داعدىلارى، جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا ءسوز بولدى.

كەزدەسۋگە كەلگەن ورال قالاسىندا “جانات” دۇكەندەر جەلىسىنىڭ قۇرىلتايشىسى، جەكە كاسىپكەر ايناگۇل باريسقىزى ءوز ءومىر-تاجىريبەسىنەن جاستاردى جىگەرلەندىرەتىن كوپتەگەن مىسالدار كەلتىردى. ”تۋعان باۋىرىممەن بىرلەسىپ كاسىپ باستادىق. وسى كۇنگە جەتكەنگە دەيىن مىڭ رەت قۇلاپ، مىڭ رەت تۇردىق. وڭاي بولمادى. ەشقاشان بەرىلمەدىك. بولاشاققا دەگەن سەنىمدى جوعالتپادىق. اقىرىندا اياقتان تۇردىق” دەيدى ايناگۇل حانىم.

ءىس-شارا قر اقپارات جانە قوعامدىق دامۋ مينيسترلىگى مەن «ازاماتتىق باستامالاردى قولداۋ ورتالىعىنىڭ» قولداۋىمەن «ادىرنا» ۇەب» قق «جاستاردى الەۋمەتتەندىرۋ جانە وڭالتۋ» جوباسى اياسىندا وتەدى.

پىكىرلەر