Oral qalasynda, 31 tamyz kúni "Adyrna" QQ uıymdastyrýmen belgili kásipkermen kezdesý ótti.
Is-sharanyń maqsaty kóteriletin máseleler arqyly jastardy bolashaq ómirlik josparlaryna yntalandyrý jáne shyǵarmashylyq áleýetti damytý.
Kún tártibinde jastardyń jumys jáne oqýǵa kelgende belsendilik tanytpaý sebepterin anyqtaý, jastarǵa kómek berý jáne kásibı baǵdarlaý túrleri, eńbek naryǵyndaǵy qajetti mamandyqtar, jastardy kásipkerlik qyzmetke oqytý, jastarynyń qordalanǵan máseleleri týraly kezdesý bolmaq.
Is-shara spıkeri “Janat” dúkender jelisiniń quryltaıshysy, jeke kásipker Aınagúl Barısqyzy boldy.
Kezdesý barysynda búgingi kúni eńbek naryǵyndaǵy qajetti mamandyqtar jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda sóz boldy.
Kezdesýge kelgen Oral qalasynda “Janat” dúkender jelisiniń quryltaıshysy, jeke kásipker Aınagúl Barısqyzy óz ómir-tájirıbesinen jastardy jigerlendiretin kóptegen mysaldar keltirdi. ”Týǵan baýyrymmen birlesip kásip bastadyq. Osy kúnge jetkenge deıin myń ret qulap, myń ret turdyq. Ońaı bolmady. Eshqashan berilmedik. Bolashaqqa degen senimdi joǵaltpadyq. Aqyrynda aıaqtan turdyq” deıdi Aınagúl hanym.
Is-shara QR Aqparat jáne qoǵamdyq damý mınıstrligi men «Azamattyq bastamalardy qoldaý ortalyǵynyń» qoldaýymen «Adyrna» UEB» QQ «Jastardy áleýmettendirý jáne ońaltý» jobasy aıasynda ótedi.
