نازارباەۆ زياتكەرلىك مەكتەبىنىڭ وقۋشىلارى قاريالارعا العىسىن ءبىلدىردى

2039

تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى قارتتار كۇنىنە وراي «ۇرپاقتار ساباقتاستىعى» اكتسياسىن ۇيىمداستىردى.

وقۋشىلار قارتتاردى جىلى لەبىزدەرىمەن قۇتتىقتاپ، ولارعا ازىق - تۇلىك سەبەتتەرىن تابىستادى.

تىل ەڭبەككەرى بيسۇلۇ ۋاليەۆا بيىل 93 جاسقا تولدى. اقسۋ اۋىلىنىڭ تۋماسى، قازىرگى تاڭدا نەمەرەسىنىڭ كولىندا تۇرادى. بيسۇلۋ اپانىڭ بالالىق شاعى سوعىس جىلدارىنا تۇسپا تۇس كەلگەندىكتەن وقۋشىلارعا سوعىس كەزىندەگى قيىن-قىستاۋ زاماندا قالاي ءومىر سۇرگەنىڭ، وتباسىن اسىراۋ ءۇشىن ءبىر ۋىس استىقتى كومىر استىنا تىعىپ ءجۇرىپ اكەلەتىنىڭ ايتىپ بەردى. وسى قيىندىقتارعا قاراماستان بيسۇلۋ اپا ءومىرىن جالعاستىردى.

ەلىمىز تىنىش بولسىن. مەنىڭ ومىرىمدە بولعان قيىندىقتاردى جاس ۇرپاق كورمەسە ەكەن دەپ تىلەيمىن. تاۋەلسىزدىگىمىز ماڭگىلىك بولسىن! –  دەپ وقۋشىلارعا تىل ەڭبەككەرى بيسۇلۋ ۋاليەۆا اق باتاسىن بەردى.

جالعىزباستى زەينەتكەر ءبيبىنۇر يبرايموۆاعا زياتكەر ەرىكتىلەردىڭ ىقىلاسى قاتتى اسەر ەتتى.  ءبيبىنۇر اپا 72 جاستا، پەداگوگيكالىق ەڭبەك ارداگەرى. قازگۋ-ءدى بىتىرگەن، وبلىستىق مۇعالىمدەردى جەتىلدىرۋ ينستيتۋتىندا قازاق ءتىلى مەن ادەبيەتى كابينەتىنىڭ مەڭگەرۋشىسى بولىپ جۇمىس ىستەگەن. سونىمەن قاتار GorONO-دا كينوتەكانىڭ ديرەكتورى بولىپ جۇمىس اتقارعان. بۇگىن ءبيبىنۇر اپا ءۇشىن قوس مەرەكە – قارتتار كۇنى مەن ۇستازدار كۇنى!

 قارتتار كۇنى – ەرەكشە مەرەكە. اعا ۇرپاق بىزگە مەيىرىمدىلىك پەن ەڭبەكسۇيگىشتىككە، وتباسىنا، وتانعا ادال بولۋدى تاربيەلەيدى. بىراق، وكىنىشكە وراي، ءبىز كەيدە ەگدە ادامدار ءۇشىن مەملەكەت تاراپىنان قولداۋ عانا ەمەس، قاراپايىم كوڭىل ءبولۋ دە ماڭىزدى ەكەنىن ۇمىتىپ كەتەمىز، - دەيدى NIS وقۋشىلارى ءوز سۇحباتتارىندا.

ءلاززات اپانى كورگەن وقۋشىلار ارالاس سەزىمدە بولدى. ءبىر جاعىنان قايىرىمدىلىق جاساعاندارىنا قۋانىپ، ەكىنشى جاعىنان زەينەتكەرلەرىمىزدىڭ قانداي جاعدايدا ءومىر ءسۇرىپ جاتقاندارى ولاردى الاڭداتتى. ومىرلىك جاعدايعا بايلانىستى ءلاززات اپا باسپاناسىز قالدى. بىراق اۋىل اكىمشىلىگىنىڭ كومەگىمەن كوكتال اۋىلىنان جاڭا ءۇي سالۋعا جەر تەلىمى بەرىلدى. قازىرگى ۋاقىتتا تۇرعىنداردىڭ كۇشىمەن ىرگەتاسى عانا كوتەرىلدى.

نازارباەۆ زيتكەرلىك مەكتەبىنىڭ وقۋشىلارى مەن اتا-انالارى جىل سايىن ارداگەرلەردى، قاريالاردى قارتتار كۇنىمەن قۇتتىقتايدى. بۇل مەرەكە – اعا ۇرپاقپەن تىلدەسىپ، اقىل-ويلارى ءۇشىن العىس ايتۋدىڭ تاماشا مۇمكىندىگى.

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket