Taldyqorǵan qalasyndaǵy Nazarbaev Zııatkerlik mektebiniń oqýshylary Qarttar kúnine oraı «Urpaqtar sabaqtastyǵy» akııasyn uıymdastyrdy.
Oqýshylar qarttardy jyly lebizderimen quttyqtap, olarǵa azyq - túlik sebetterin tabystady.
Tyl eńbekkeri Bısulu Ýálıeva bıyl 93 jasqa toldy. Aqsý aýylynyń týmasy, qazirgi tańda nemeresiniń kolynda turady. Bısulý apanyń balalyq shaǵy soǵys jyldaryna tuspa tus kelgendikten oqýshylarǵa soǵys kezindegi qıyn-qystaý zamanda qalaı ómir súrgeniń, otbasyn asyraý úshin bir ýys astyqty kómir astyna tyǵyp júrip ákeletiniń aıtyp berdi. Osy qıyndyqtarǵa qaramastan Bısulý apa ómirin jalǵastyrdy.
Elimiz tynysh bolsyn. Meniń ómirimde bolǵan qıyndyqtardy jas urpaq kórmese eken dep tileımin. Táýelsizdigimiz máńgilik bolsyn! – dep oqýshylarǵa tyl eńbekkeri Bısulý Ýalıeva aq batasyn berdi.
Jalǵyzbasty zeınetker Bıbinur Ibraımovaǵa zııatker eriktilerdiń yqylasy qatty áser etti. Bıbinur apa 72 jasta, pedagogıkalyq eńbek ardageri. QazGÝ-di bitirgen, oblystyq muǵalimderdi jetildirý ınstıtýtynda qazaq tili men ádebıeti kabınetiniń meńgerýshisi bolyp jumys istegen. Sonymen qatar GorONO-da kınotekanyń dırektory bolyp jumys atqarǵan. Búgin Bıbinur apa úshin qos mereke – Qarttar kúni men Ustazdar kúni!
Qarttar kúni – erekshe mereke. Aǵa urpaq bizge meıirimdilik pen eńbeksúıgishtikke, otbasyna, Otanǵa adal bolýdy tárbıeleıdi. Biraq, ókinishke oraı, biz keıde egde adamdar úshin memleket tarapynan qoldaý ǵana emes, qarapaıym kóńil bólý de mańyzdy ekenin umytyp ketemiz, - deıdi NIS oqýshylary óz suhbattarynda.
Lázzat apany kórgen oqýshylar aralas sezimde boldy. Bir jaǵynan qaıyrymdylyq jasaǵandaryna qýanyp, ekinshi jaǵynan zeınetkerlerimizdiń qandaı jaǵdaıda ómir súrip jatqandary olardy alańdatty. Ómirlik jaǵdaıǵa baılanysty Lázzat apa baspanasyz qaldy. Biraq aýyl ákimshiliginiń kómegimen Kóktal aýylynan jańa úı salýǵa jer telimi berildi. Qazirgi ýaqytta turǵyndardyń kúshimen irgetasy ǵana kóterildi.
Nazarbaev Zıtkerlik mektebiniń oqýshylary men ata-analary jyl saıyn ardagerlerdi, qarııalardy Qarttar kúnimen quttyqtaıdy. Bul mereke – aǵa urpaqpen tildesip, aqyl-oılary úshin alǵys aıtýdyń tamasha múmkindigi.
