پاتسيەنتتىڭ ولىمىنە كىنالى دەپ تانىلعان رەسەيلىك دارىگەر قازاقستاننان شىعارىلدى. بۇل تۋرالى قازاقستان رەسپۋبليكاسى ءىىم جاڭالىقتارى جاريالادى، دەپ حابارلايدى “ادىرنا” ۇلتتىق پورتالى.
الماتى قالاسى كوشى-قون قىزمەتى باسقارماسىنىڭ مالىمەتىنشە، رەسەي ازاماتى ر. الفەروۆ ەلدەن شىعارىلدى.
ول ناۋرىزباي اۋداندىق سوتىنىڭ 2021 جىلعى 27 شىلدەدەگى شەشىمىمەن شىعارىلۋعا ءتيىس بولعان. سوت شەشىمىن ءوز ەركىمەن ورىنداۋعا 10 كۇن مەرزىم بەرىلگەن، الايدا وسى ۋاقىت ىشىندە ول ءتۇرلى جولمەن سوت شەشىمىن ورىنداۋدان جالتارعان، ياعني بىرنەشە رەت كاسساتسيالىق شاعىم بەرگەن، ستاتسيوناردا ەمدەلۋدە بولعان.
سونداي-اق، ول قازاقستاندا بولعان كەزىندە بىرنەشە رەت اكىمشىلىك جاۋاپكەرشىلىككە جانە ءبىر رەت قىلمىستىق جاۋاپكەرشىلىككە تارتىلعان.
ال kozachkov تەلەگرام ارناسىنىڭ مالىمەتىنشە، پلاستيكالىق حيرۋرگتىڭ قولىنان ەكى پاتسيەنت مەرت بولعان.
“ادىرنا” ۇلتتىق پورتالى
