مەملەكەت باسشىسى قاسىم-جومارت توقاەۆ اباي وبلىسىنا جۇمىس ساپارىمەن كەلدى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
ساپار اياسىندا پرەزيدەنت سەمەي جۇرتشىلىعىمەن كەزدەسىپ، ءوڭىردىڭ بىرقاتار مادەني-ءبىلىم بەرۋ وشاقتارىن ارالاپ كورۋدى جوسپارلاپ وتىر.
«مەن بيىل حالىقتىڭ قالاۋىن ەسكەرە وتىرىپ، وسى ايماقتا جەكە وبلىس قۇرۋ تۋرالى شەشىم قابىلدادىم.
اتالعان قادام ءوڭىردىڭ الەۋمەتتىك-ەكونوميكالىق ماسەلەلەرىن جەدەل شەشىپ، تۇرعىنداردىڭ ءال-اۋقاتىن ارتتىرۋعا ىقپال ەتەدى. ينۆەستيتسيانىڭ كەلۋىنە، ونەركاسىپ پەن جۇمىس ورىندارىنىڭ اشىلۋىنا، شاعىن جانە ورتا بيزنەستىڭ دامۋىنا جاعداي جاسايدى. ايماقتى رەسپۋبليكالىق بيۋدجەتتەن تىكەلەي قارجىلاندىرۋ جۇيەسى جۇزەگە اسادى.
بۇل شەشىم – شىن مانىندە، تاريحي ادىلدىكتىڭ سالتانات قۇرۋى. ءبىز جاڭادان قۇرىلعان وبلىستى ۇلتتىڭ ۇلى تۇلعاسىنا دەگەن ەرەكشە قۇرمەت بەلگىسى رەتىندە اباي دەپ اتادىق»،—دەدى پرەزيدەنت.
