Memleket basshysy Qasym-Jomart Toqaev Abaı oblysyna jumys saparymen keldi. Bul týraly Aqorda jazdy, dep habarlaıdy «Adyrna» tilshisi.
Sapar aıasynda Prezıdent Semeı jurtshylyǵymen kezdesip, óńirdiń birqatar mádenı-bilim berý oshaqtaryn aralap kórýdi josparlap otyr.
«Men bıyl halyqtyń qalaýyn eskere otyryp, osy aımaqta jeke oblys qurý týraly sheshim qabyldadym.
Atalǵan qadam óńirdiń áleýmettik-ekonomıkalyq máselelerin jedel sheship, turǵyndardyń ál-aýqatyn arttyrýǵa yqpal etedi. Investıııanyń kelýine, ónerkásip pen jumys oryndarynyń ashylýyna, shaǵyn jáne orta bıznestiń damýyna jaǵdaı jasaıdy. Aımaqty respýblıkalyq bıýdjetten tikeleı qarjylandyrý júıesi júzege asady.
Bul sheshim – shyn máninde, tarıhı ádildiktiń saltanat qurýy. Biz jańadan qurylǵan oblysty ulttyń uly tulǵasyna degen erekshe qurmet belgisi retinde Abaı dep atadyq»,—dedi Prezıdent.
