جامبىل وبلىسىندا ەر ادام جۇمىس ورنىندا العان جاراقاتتان كوز جۇمدى، – دەپ حابارلايدى «ادىرنا» ءتىلشىسى polisia.kz-كە سىلتەمە جاساپ.
«13 قىركۇيەكتە ساعات 16:20 شاماسىندا سارىسۋ اۋدانى پوليتسيا ءبولىمىنىڭ كەزەكشى بولىمىنە اۋداندىق اۋرۋحانادان “قازفوسفات” ءوندىرىس ورنىنا تيەسىلى ورتالىق بايىتۋ فابريكاسى عيماراتى شاتىرىنىڭ تاقتايشاسى قۇلاپ كەتىپ، عيمارات ىشىندە جۇمىس جاساپ جۇرگەن ءۇش قىزمەتكەردىڭ ءتۇرلى دەنە جاراقاتتارىمەن جەتكىزىلگەنى تۋرالى حابارلاما ءتۇستى. سالدارىنان كاسىپورىننىڭ 58 جاستاعى جۇمىسشىسى وقيعا ورنىندا كوز جۇمدى»،—دەلىنگەن حابارلامادا.
اتالعان دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 156-بابى 3-بولىگى (ەڭبەكتى قورعاۋ ەرەجەلەرىن بۇزۋ) بويىنشا سوتقا دەيىنگى تەرگەۋ امالدارى باستالدى. سونداي-اق، ەڭبەك ينسپەكتسياسىمەن ارنايى تەكسەرۋ جۇرگىزىلۋدە. قاجەتتى سوت-مەديتسينالىق جانە سوت-قۇرىلىس ساراپتامالارى تاعايىندالدى.
