ءال-فارابي اتىنداعى قازاق ۇلتتىق ۋنيۆەرسيتەتىندە "جاستاردى الەۋمەتتەندىرۋ جانە وڭالتۋ" جوباسىنىڭ اياسىندا "ادىرنا" قوعامدىق قورى "قارجىلىق ساۋاتتىلىقتىڭ نەگىزدەرى" تاقىرىبىندا سەمينار-ترەنينگ ۇيىمداستىردى.
ءىس-شاراعا بەلگىلى كاسىپكەر، ترەيدەر دۋمان ەرقانات قاتىسىپ قارجىلىق ساۋاتتىلىققا قاتىستى بىلىمىمەن ءبولىستى.
«كەز كەلگەن ادامعا قارجىلىق ساۋاتتىلىق بويىنشا ايتاتىن بولسام، كىرىسى مەن شىعىنىن جازىپ ۇيرەنۋىمىز كەرەك. ونى ادەتكە اينالدىرۋىمىز كەرەك. ايتقانعا وڭاي بولعانىمەن، ونى كوپشىلىگىمىز ىستەمەيمىز. تۇراقتى شىعىس ايلىقتىڭ 50 پايىز كىرىسىنەن از بولماۋى كەرەك. سول كەزدە ستاتيستيكا بويىنشا 80 پايىز قارجىلىق ەركىندىككە شىعاتىن مۇمكىندىگىڭىز بولادى»، – دەدى ترەيدەر دۋمان ەرقانات.
ول 10 جىل امەريكادا ترەيدينگ سالاسىن مەڭگەرىپ، ءبىلىمىن جەتىلدىرىپ، سەميناردا جاستارعا ەكونوميكا سالاسىنىڭ ماڭىزدىلىعى جايلى ءتۇسىندىردى.
سونىمەن قاتار سەمينار-ترەنينگ بارىسىندا دۋمان مىرزا جاستاردىڭ قويعان سۇراقتارىنا جاۋاپ بەرىپ، قارجىلىق ساۋاتتىلىقتىڭ ماڭىزدىلىعى ادام ومىرىنە قالاي اسەر ەتەتىنى جايلى ءسوز قوزعادى.
شاراعا 60-قا جۋىق جاستار قاتىسىپ، بەلسەندىلىك تانىتتى. تىركەلۋشىلەردىڭ اراسىندا جۇمىسسىز جۇرگەن قۇلىقسىز جاستار دا بولدى.
ءىس-شارا قر اقپارات جانە قوعامدىق دامۋ مينيسترلىگى مەن «ازاماتتىق باستامالاردى قولداۋ ورتالىعىنىڭ» قولداۋىمەن «ادىرنا» ۇەب» قق «جاستاردى الەۋمەتتەندىرۋ جانە وڭالتۋ» جوباسى اياسىندا ءوتتى.
