Ál-Farabı atyndaǵy Qazaq Ulttyq ýnıversıtetinde "Jastardy áleýmettendirý jáne ońaltý" jobasynyń aıasynda "Adyrna" qoǵamdyq qory "Qarjylyq saýattylyqtyń negizderi" taqyrybynda semınar-trenıng uıymdastyrdy.
Is-sharaǵa belgili kásipker, treıder Dýman Erqanat qatysyp qarjylyq saýattylyqqa qatysty bilimimen bólisti.
«Kez kelgen adamǵa qarjylyq saýattylyq boıynsha aıtatyn bolsam, kirisi men shyǵynyn jazyp úırenýimiz kerek. Ony ádetke aınaldyrýymyz kerek. Aıtqanǵa ońaı bolǵanymen, ony kópshiligimiz istemeımiz. Turaqty shyǵys aılyqtyń 50 paıyz kirisinen az bolmaýy kerek. Sol kezde statıstıka boıynsha 80 paıyz qarjylyq erkindikke shyǵatyn múmkindigińiz bolady», – dedi treıder Dýman Erqanat.
Ol 10 jyl Amerıkada treıdıng salasyn meńgerip, bilimin jetildirip, semınarda jastarǵa ekonomıka salasynyń mańyzdylyǵy jaıly túsindirdi.
Sonymen qatar semınar-trenıng barysynda Dýman myrza jastardyń qoıǵan suraqtaryna jaýap berip, qarjylyq saýattylyqtyń mańyzdylyǵy adam ómirine qalaı áser etetini jaıly sóz qozǵady.
Sharaǵa 60-qa jýyq jastar qatysyp, belsendilik tanytty. Tirkelýshilerdiń arasynda jumyssyz júrgen qulyqsyz jastar da boldy.
Is-shara QR Aqparat jáne qoǵamdyq damý mınıstrligi men «Azamattyq bastamalardy qoldaý ortalyǵynyń» qoldaýymen «Adyrna» UEB» QQ «Jastardy áleýmettendirý jáne ońaltý» jobasy aıasynda ótti.
