پاۆلودار قالاسىندا 15 جاستاعى وقۋشى كوپقاباتتى تۇرعىن ءۇيدىڭ 14-قاباتىنان قۇلاپ كەتتى، دەپ جازادى "ادىرنا" ۇلتتىق پورتالى.
پاۆلودار وبلىسى پوليتسيا دەپارتامەنتىنىڭ حابارلاۋىنشا، قايعىلى وقيعا 25 قىركۇيەكتە ورىن العان.
"25 قىركۇيەكتە پاۆلودار پوليتسياسىنا 18:00 مەن 19:00 ارالىعىندا نازارباەۆ داڭعىلى №50 ءۇيدىڭ 14-قاباتىنان 2007 جىلى تۋعان ءجاسوسپىرىم قۇلاپ كەتكەنى تۋرالى حابار ءتۇستى. ءجاسوسپىرىم العان جاراقاتىنان وقيعا ورنىندا كوز جۇمدى", - دەلىنگەن رەسمي حابارلامادا.
اتالعان دەرەك بويىنشا ءتيىستى تەرگەۋ امالدارى جۇرگىزىلىپ جاتىر. ساراپتامالار تاعايىندالدى. وقيعانىڭ ءمان-جايى مەن سەبەپتەرى انىقتالىپ جاتىر.
"ادىرنا" ۇلتتىق پورتالى
