رەسەيلىك «2GIS» كارتوگرافيالىق سەرۆيسىنىڭ قوسىمشاسى App Store دۇكەنىنەن جوعالىپ كەتتى, دەپ حابارلايدى “ادىرنا” ۇلتتىق پورتالى.
قوسىمشانىڭ رەسمي تۇردە نەگە جويىلعانى بەلگىسىز. دەگەنمەن، بۇرىن ورناتىلعان قوسىمشا جۇمىس ىستەي بەرەدى. اقپاراتتار كۇندەلىكتى جاڭارىپ وتىرادى، سونىمەن قاتار قالالاردى دا جۇكتەۋگە بولادى.
«iPhone يەلەرىنە ارنالعان نەگىزگى كەڭەس - بۇرىننان ورناتىلعان 2GIS قوسىمشاسىن جويماۋ. تەلەفونىڭىزدى اۋىستىرعان بولساڭىز، 2gis.kz سايتىن پايدالانىڭىز، جۇمىس ۇستەلىندە بەلگىشەنى ورناتىڭىز. ماسەلەنى شەشۋدىڭ جولىن تاپقان كەزدە سىزگە حابارلايمىز»، - دەدى كومپانيا وكىلدەرى.
ايتا كەتەيىك، 2گيس – 1999 جىلدان بەرى قالا كارتالارىمەن اتتاس ەلەكترون انىقتامالىقتاردى شىعارۋمەن اينالىساتىن حالىقارالىق كارتوگرافيالىق كومپانيا. باعدارلاما اقش-تا سانكتسيا تىزىمىنە ەنگىزىلگەن سبەربانككە تيەسىلى.
