الماتى پوليتسياسى ديماش قۇدايبەرگەننىڭ كونتسەرتىنە بايلانىستى ۇندەۋ جاسادى

2369
Adyrna.kz Telegram

الماتى پوليتسياسى ديماش قۇدايبەرگەننىڭ كونتسەرتىنە بايلانىستى ۇندەۋ جاسادى، – دەپ حابارلايدى «ادىرنا» ءتىلشىسى polisia.kz-كە سىلتەمە جاساپ.

«الماتى پوليتسياسى كونتسەرت كەزىندە قوعامدىق ءتارتىپ پەن جول قاۋىپسىزدىگىن قامتاماسىز ەتۋگە پد-ءنىڭ قىزمەتتەرى مەن بولىمشەلەرىنىڭ 2,5 مىڭنان استام قىزمەتكەرى جۇمىلدىرىلاتىنىن حابارلايدى. – بۇل تەك قازاقستان ءۇشىن عانا ەمەس، حالىقارالىق ارەناداعى ايتۋلى وقيعا، سوندىقتان ونى دۇربەلەڭسىز، بەيبەرەكەتسىز جانە ەشقانداي قۇقىق بۇزۋشىلىقتارسىز ءوز دەڭگەيىندە وتكىزۋ وتە ماڭىزدى. پوليتسيا قىزمەتكەرلەرى كونتسەرت وتەتىن ورىن مەن وعان جاقىن اۋماقتا قوعامدىق ءتارتىپتى قامتاماسىز ەتەدى. سونىمەن قاتار، اباي داڭعىلى مەن ساتباەۆ كوشەسىنىڭ بويىنا كولىكتەردى قويۋعا تىيىم سالىنعانىن ەسكەرتەمىز. وسىعان بايلانىستى قوناقتاردى كولىكتەرىن الدىن الا تۇراققا قويۋعا، قوسالقى كوشەلەردى پايدالانۋعا جانە كەپتەلىستەردى بولدىرماۋ ءۇشىن ولاردىڭ باعىتىن الدىن الا رەتتەۋگە شاقىرامىز. كونتسەرت كەزىندە ءوزىن-ءوزى ۇستاۋ مادەنيەتىنە، الكوگولدى ىشىمدىكتەردى پايدالانۋعا تىيىم سالۋعا ەرەكشە نازار اۋدارامىز. اعا بۋىن جانكۇيەرلەرى مەن بالالارى بار ايەلدەرگە قۇرمەت كورسەتۋگە شاقىرامىن، – دەدى الماتى قالالىق پد باستىعى ارىستانعاني زاپپاروۆ.

پىكىرلەر