پرەزيدەنت سايلاۋى، كونستيتۋتسيالىق وزگەرىستەر بۇگىنگى كۇننىڭ باستى تاقىرىبى بولىپ وتىرعانىن بەلگىلى. مەملەكەت باسشىسى قاسىم-جومارت توقاەۆ 1 قىركۇيەكتەگى حالىققا جولداۋىندا پرەزيدەنت سايلاۋى جونىندە ءوزىنىڭ شەشىمىن قوعامعا ۇسىنعان بولاتىن. بۇل – قايتا سايلانۋ قۇقىعىنسىز بىررەتتىك پرەزيدەنتتىك سايلاۋ مەرزىمىنىڭ ءىس جۇزىندە كورىنىس تابۋى.
قازىر قوعام بولىپ تالقىلاپ جاتقان نەگىزگى تاقىرىپ وسى بولىپ تۇر. ءارتۇرلى پىكىر، سالىستىرۋ، ۇسىنىس ايتىلىپ جاتىر. زيالى قاۋىم، ساراپشىلار، قوعام قايراتكەرلەرى مەن جالپى الەۋمەت سايلاۋدىڭ ەرتەرەك وتكەنىن قولداپ وتىر.
الەۋمەتتىك جەلى مەن ءتۇرلى تالقىلاۋ الاڭدارى، قوعامدىق پىكىر مۇنى بيىل ەلىمىزدە رەفەرەندۋم ارقىلى وتكەن كونستيتۋتسيالىق رەفورمالاردىڭ زاڭدى جالعاسى دەپ قابىلدادى. شىن مانىندە، ءبىز ساياسي رەفورمالار باعىتىن جاڭعىرتۋدىڭ داڭعىل جولىنا تۇستىك.
مەملەكەت باسشىسىنىڭ جولداۋىندا ايتىلعان «ادىلەتتى مەملەكەت. ءبىرتۇتاس ۇلت. بەرەكەلى قوعامدى» قالىپتاستىرامىز دەسەك، دەموكراتيالىق قۇندىلىقتارعا نەگىزدەلگەن، ازاماتتىق قوعامدى نىعايتاتىن وسىنداي شەشىمدەردى وڭ قابىلداۋىمىز كەرەك دەپ ويلايمىن.
سايلاۋدى وتكىزىپ العاننان كەيىن بارلىق نازاردى، كۇشتى مەملەكەت دامۋىنا جۇمىلدىرا الامىز. ايتپەسە الەم ەلدەرىندە ساياسي جاعداي ۋشىعىپ تۇرعانىن بىلەمىز. وسىندايدا ەرتەرەك قامدانىپ، تۇراقتىلىقتى تۋ ەتە الساق – باعىتىمىزدىڭ دۇرىس بولعانى. بۇل جولعى سايلاۋ ساياسي رەفورمالاردىڭ وركەندەپ، مەملەكەتتىڭ دامۋ شاعىنا تۇسپا-تۇس كەلىپ وتىرعانىن داۋسىز.
ولجاس سىدىقبەك،
«Elorda Akparat» جشس ديرەكتورى
