Prezıdent saılaýy, konstıtýııalyq ózgerister búgingi kúnniń basty taqyryby bolyp otyrǵanyn belgili. Memleket basshysy Qasym-Jomart Toqaev 1 qyrkúıektegi halyqqa Joldaýynda prezıdent saılaýy jóninde óziniń sheshimin qoǵamǵa usynǵan bolatyn. Bul – qaıta saılaný quqyǵynsyz birrettik prezıdenttik saılaý merziminiń is júzinde kórinis tabýy.
Qazir qoǵam bolyp talqylap jatqan negizgi taqyryp osy bolyp tur. Ártúrli pikir, salystyrý, usynys aıtylyp jatyr. Zııaly qaýym, sarapshylar, qoǵam qaıratkerleri men jalpy áleýmet saılaýdyń erterek ótkenin qoldap otyr.
Áleýmettik jeli men túrli talqylaý alańdary, qoǵamdyq pikir muny bıyl elimizde referendým arqyly ótken konstıtýııalyq reformalardyń zańdy jalǵasy dep qabyldady. Shyn máninde, biz saıası reformalar baǵytyn jańǵyrtýdyń dańǵyl jolyna tústik.
Memleket basshysynyń Joldaýynda aıtylǵan «Ádiletti memleket. Birtutas ult. Berekeli qoǵamdy» qalyptastyramyz desek, demokratııalyq qundylyqtarǵa negizdelgen, azamattyq qoǵamdy nyǵaıtatyn osyndaı sheshimderdi oń qabyldaýymyz kerek dep oılaımyn.
Saılaýdy ótkizip alǵannan keıin barlyq nazardy, kúshti memleket damýyna jumyldyra alamyz. Áıtpese álem elderinde saıası jaǵdaı ýshyǵyp turǵanyn bilemiz. Osyndaıda erterek qamdanyp, turaqtylyqty tý ete alsaq – baǵytymyzdyń durys bolǵany. Bul jolǵy saılaý saıası reformalardyń órkendep, memlekettiń damý shaǵyna tuspa-tus kelip otyrǵanyn daýsyz.
Oljas SYDYQBEK,
«Elorda Akparat» JShS dırektory
