بيىل «حالىق قاتىساتىن بيۋدجەت» اياسىندا 800 ملن. تەڭگەگە 28 جوبا ورىندالىپ جاتىر. بۇگىندە 11 جوبا ىسكە قوسىلدى، قالعاندارى وسى جىلدىڭ قازان ايىنىڭ سوڭىنا دەيىن اياقتالادى. ءبۇل تۋرالى قالا اكىمى ەربولات دوساەۆ اۋدان حالقىمەن كەزدەسۋىندە مالىمدەدى، دەپ حابارلايدى «ادىرنا» تىلشىسى
"جوبالاردى ىسكە اسىرۋ اياسىندا بالالار الاڭى، سپورت جانە «workout» الاڭدارىن سالۋ، قاراسۋ وزەنىنىڭ بويىندا سەرۋەندەۋ ايماعىن (500 م), 1 كم تروتۋاردى رەكونسترۋكتسيالاۋ كوزدەلگەن", - دەدى قالا اكىمى.
«حالىق قاتىساتىن بيۋدجەت» جوباسىن جالعاستىرۋ ءۇشىن بۇگىنگى كۇنى اۋداندا 2023 جىلعا 164 ءوتىنىم كەلىپ ءتۇستى.
رەكرەاتسيالىق ايماقتاردى قۇرۋ ماقساتىندا وسى جىلدىڭ قازان ايىندا «اسپان» پاركىن اباتتاندىرۋ، ماياك توعايىن كۇردەلى جوندەۋ اياقتالادى.
سونداي-اق، 2022 جىلدىڭ سوڭىنا دەيىن مولداعاليەۆ جانە چەحوۆ كوشەلەرىندەگى تاعى ءبىر سەرۋەندەۋ ايماعىن اباتتاندىرۋ اياقتالادى. اۋەجاي پاركىن رەكونسترۋكتسيالاۋ جالعاسادى. جۇمىستار 2023 جىلدىڭ مامىر ايىندا اياقتالادى.
