ابايتانۋشى، عالىم ومار جالەل شىمكەنت قالاسىندا "قازاقتىڭ باس ءبيى" بولىپ سايلاندى، دەپ جازادى "ادىرنا" ۇلتتىق پورتالى.
"مەن نەگىزىنەن ەشقانداي دا بي بولامىن دەپ كەلگەن جوقپىن. ادام بيلىككە ۇمتىلماۋى كەرەك. بيلىك - وتە اۋىر نارسە. بىراق ەندى حالىق قالاپ وتىر. نەگە؟ ويتكەنى بۇل جۇمىستى بىرەۋ ىستەۋى كەرەك. "جالعىز ادامنىڭ ءۇنى شىقپايدى، جاياۋدىڭ شاڭى شىقپايدى" دەيدى. سىزدەر وزدەرىڭىز سايلادىڭىزدار. ەندى بىرلەسىپ جۇمىس ىستەيىك. ءبىراۋىزدى بولايىق. ماعان ءۇمىت ارتقاندارىڭىزعا راقمەت! مىڭ ءولىپ، مىڭ تىرىلگەن، ەسەسى تالاي كەتكەن قازاقتىڭ ۇپايىن تۇگەندەپ، ەڭ باستىسى ەسىن جيناۋعا كومەكتەسۋىمىز كەرەك. ەسىن جيناعان حالىقتىڭ ەتەگى جابىلادى. وكىنىشكە قاراي، قازىر حالىقتىڭ ەتەگى اشىق تۇر. نەگە؟ ويتكەنى، ەسىن جيناي الماي وتىر. مىنا 150 جىلدىق وتارشىلدىقتان كەيىن ەسىمىزدى جوعالتىپ الدىق. قازىرگى كەزدە بيلەر دەگەن نە؟ بيلەر دەگەنەمىز حالىقتىڭ ءوز-وزىنە كەلە باستاۋى، ورگانيزمنىڭ ءتىرىلۋى... حالىقتىڭ ءوز-وزىنە دەگەن سەنىمى قايتىپ جاتىر. وزىنە سەنبەگەن حالىق مەملەكەت بولا المايدى. وزىنە سەنبەگەن حالىق شىعارماشىلىقتى دا، ەكونوميكانى دا، ادەبيەتتى دە جاساي المايدى. ءوزىن قورعاي المايدى. سوندىقتان قازىر قازاققا رۋح بەرەتىن، كەۋدەسىن كوتەرەتىن ۋاقىت كەلدى. ءبىزدىڭ ماقساتىمىز - قازاقتىڭ ەسىن جيعىزۋ، رۋحىن كوتەرۋ", - دەپ مالىمدەدى ومار جالەل.
"ادىرنا" ۇلتتىق پورتالى
