Abaıtanýshy, ǵalym Omar Jálel Shymkent qalasynda "qazaqtyń bas bıi" bolyp saılandy, dep jazady "Adyrna" ulttyq portaly.
"Men negizinen eshqandaı da bı bolamyn dep kelgen joqpyn. Adam bılikke umtylmaýy kerek. Bılik - óte aýyr nárse. Biraq endi halyq qalap otyr. Nege? Óıtkeni bul jumysty bireý isteýi kerek. "Jalǵyz adamnyń úni shyqpaıdy, jaıaýdyń shańy shyqpaıdy" deıdi. Sizder ózderińiz saıladyńyzdar. Endi birlesip jumys isteıik. Biraýyzdy bolaıyq. Maǵan úmit artqandaryńyzǵa raqmet! Myń ólip, myń tirilgen, esesi talaı ketken qazaqtyń upaıyn túgendep, eń bastysy esin jınaýǵa kómektesýimiz kerek. Esin jınaǵan halyqtyń etegi jabylady. Ókinishke qaraı, qazir halyqtyń etegi ashyq tur. Nege? Óıtkeni, esin jınaı almaı otyr. Myna 150 jyldyq otarshyldyqtan keıin esimizdi joǵaltyp aldyq. Qazirgi kezde bıler degen ne? Bıler degenemiz halyqtyń óz-ózine kele bastaýy, organızmniń tirilýi... Halyqtyń óz-ózine degen senimi qaıtyp jatyr. Ózine senbegen halyq memleket bola almaıdy. Ózine senbegen halyq shyǵarmashylyqty da, ekonomıkany da, ádebıetti de jasaı almaıdy. Ózin qorǵaı almaıdy. Sondyqtan qazir qazaqqa rýh beretin, keýdesin kóteretin ýaqyt keldi. Bizdiń maqsatymyz - qazaqtyń esin jıǵyzý, rýhyn kóterý", - dep málimdedi Omar Jálel.
"Adyrna" ulttyq portaly
