قازاقستاندىق ءىرى ساۋدا ينتەرنەت-الاڭدارىنىڭ TOP KZ Retail E-Commerce 2022 رەنكينگىندە Kaspi.kz تاعى دا ءبىرىنشى ورىنعا يە بولدى. ول بەسىنشى جىل قاتارىنان قازاقستاندا ەلەكتروندىق كوممەرتسيانىڭ كوشباسشىسى دەپ تانىلدى.
Kaspi.kz-ءتىڭ باسشىسى ءارى نەگىزىن قالاۋشىلاردىڭ ءبىرى ميحايل لومتادزە بۇل تۋرالى بىلاي دەدى:
«بىزبەن بىرگە بولعانى ءۇشىن ءاربىر سۇيىكتى كليەنتىمىز بەن سەرىكتەسىمىزگە راقمەت ايتامىز! Kaspi.kz-تەگى ينتەرنەت-دۇكەندە نەگىزىنەن شاعىن جانە ورتا بيزنەس كومپانيالارىنىڭ 2,5 ميلليونعا جۋىق الۋان ءتۇرلى تاۋارلارى ۇسىنىلعان. ءبىر جاعىنان، ءبىز كومپانيالاردىڭ وسۋىنە جانە جاڭا جۇمىس ورىندارىن اشۋعا كومەكتەسەمىز، ەكىنشى جاعىنان، سۇيىكتى كليەنتتەرىمىزگە تەگىن جەتكىزۋ قىزمەتىمەن ءتيىمدى زات ساتىپ الۋعا كومەكتەسەمىز».
Forbes Kazakhstan ىسكەرلىك جۋرنالى Baker Tilly Kazakhstan حالىقارالىق كونسالتينگ كومپانياسىمەن بىرلەسىپ جىل سايىن TOP KZ Retail E-Commerce رەنكينگىن جاسايدى. بۇل – ونلاين ساتۋدان تۇسەتىن ءتۇسىم كولەمى بويىنشا قازاقستاندىق ينتەرنەت-كومپانيالاردىڭ تۇراقتى رەيتينگى.
