قازاقستانعا مەملەكەتتىك ساپارمەن كەلە جاتقان ريم پاپاسى فرانتسيسكتىڭ اۋە بورتى ەلوردا اۋەجايىنا قوندى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
قادىرلى قوناقتى پرەزيدەنت قاسىم-جومارت توقاەۆ كۇتىپ الادى.
ايتا كەتەيىك، ريم-كاتوليك شىركەۋىنىڭ باسشىسى ەلىمىزگە مەملەكەت باسشىسىنىڭ ارنايى شاقىرۋىمەن كەلدى. ول الەمدىك جانە ءداستۇرلى دىندەر كوشباسشىلارىنىڭ VII سەزىنە قاتىسادى.
