ماحاتما گاندي حالىقارالىق حيندي ۋنيۆەرسيتەتىنىڭ سەرتيفيكاتتارى ءۇندىتانۋشى ستۋدەنتتەرگە تابىس ەتىلدى

853
Adyrna.kz Telegram

ءال-فارابي اتىنداعى قازاق ۇلتتىق ۋنيۆەرسيتەتى، شىعىستانۋ فاكۋلتەتىنىڭ ءۇندىتانۋشى ۇستازدارى مەن ستۋدەنتتەرى 2022 جىلدىڭ 9 قىركۇيەگىندە قازاقستانداعى سۆامي ۆيۆەكاناندا اتىنداعى ءۇندى مادەني ورتالىعىنىڭ ديرەكتورى ساندجاي ۆەدي مىرزامەن كەزدەستى.

ءىس-شارانى شىعىستانۋ فاكۋلتەتىنىڭ دەكانى مىندەتىن اتقارۋشى ەم ن.ب. قۇتتىقتاۋ سوزىمەن اشىپ، ەكى ەل اراسىنداعى مىعىم دوستىقتىڭ كوپىرىن نىعايتۋ ماقساتىندا ەلگە ءۇندى ءتىلىن، مادەنيەتىن، تاريحىن، ادەبيەتىن تەرەڭ مەڭگەرگەن مامانداردىڭ قاجەتتىلىگىن نازارعا الا وتىرىپ، سونىڭ ىشىندە ءال-فارابي قازۇۋ بۇل سالادا بەلسەنە ەڭبەك ەتىپ، وزىندىك ۇلەستەرىن قوسىپ كەلە جاتقان ءۇندىتانۋشى مامانداردى دايارلايتىن بىردەن ءبىر جوعارى وقۋ ورنى بولىپ تابىلاتىنىن اتاپ ءوتتى.

سۆامي ۆيۆەكاناندا ءۇندى مادەني ورتالىعىنىڭ ديرەكتورى ساندجاي ۆەدي مىرزا بۇل قىزمەتتە ءالى كۇنگە دەيىن ايتارلىقتاي ۇزاق ۋاقىت بولماسا دا ءال-فارابي قازۇۋ شىعىستانۋ فاكۋلتەتىنە ءۇشىنشى رەت ءىس-ساپارمەن كەلىپ، جان-جاقتى كەلىسسوزدەر جۇرگىزىپ جاتقانىن ايتتى. اتالعان كەلىسسوزدەر نەگىزىندە ءۇندىتانۋ ءبولىمىنىڭ وقىتۋشىلارى مەن ستۋدەنتتەرى ۇندىستانعا بىلىكتىلىگىن ارتتىرۋعا ارنالعان تاعىلىمدامالارعا جىبەرىلەتىندەرىن اتاپ ءوتتى. سونىمەن قاتار، قازاقستان رەسپۋبليكاسىنداعى ءۇندىستان رەسپۋبليكاسىنىڭ ەلشىلىگى جاقىن ارادا ءال-فارابي قازاق ۇلتتىق ۋنيۆەرسيتەتىندە بىرلەسكەن حالىقارالىق عىلىمي كونفەرەنتسيالار وتكىزۋگە قولداۋ بىلدىرەتىنىن ەسكە سالدى. سونىمەن بىرگە ساندجاي ۆەدي مىرزا 2020-2021 جج. ءۇندىستاندا تىلدىك تاعىلىمدامادان ءوتىپ، بىراق پاندەمياعا بايلانىستى ديپلومدارىن ۋاقىتىندا الا الماعان ءۇندىتانۋ ءبولىمىنىڭ تۇلەكتەرى كيزباەۆا ءنازيرا، ورىنباي ايدا، حاميتوۆا بالجان، ەسليامگاريەۆ الماس، مۋراتبەكوۆ ادىلەتكە رەسمي تۇردە ماحاتما گاندي حالىقارالىق حيندي ۋنيۆەرسيتەتىنىڭ ديپلومدارىن تابىستادى.

كەزدەسۋ بارىسىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ شىعىستانۋ فاكۋلتەتى مەن سۆامي ۆيۆەكاناندا اتىنداعى ءۇندى مادەني ورتالىعى اراسىنداعى ءبىلىم جانە مادەنيەت سالاسىنداعى ىنتىماقتاستىق بويىنشا بىرقاتار جاڭا مۇمكىندىكتەر تالقىلاندى.

كەزدەسۋ سوڭىندا شىعىستانۋ فاكۋلتەتىنىڭ دەكانى مىندەتىن اتقارۋشى ەم ن.ب. قازاقستان مەن ءۇندىستان اراسىنداعى دوستىق قارىم-قاتىناستى دامىتۋعا، اتاپ ايتقاندا ءال-فارابي قازۇۋ شىعىستانۋ فاكۋلتەتى، ونىڭ ىشىندە ءۇندىتانۋ ءبولىمى مەن قازاقستان رەسپۋبليكاسىنداعى ءۇندىستان رەسپۋبليكاسىنىڭ ەلشىلىگى اراسىنداعى ءوزارا ىنتىماقتاستىقتى دامىتۋ ءۇشىن ايانباي قىزمەت اتقارىپ كەلە جاتقان ساندجاي ۆەدي مىرزا «العىس حاتپەن» ماراپاتتادى.

مەرۋەرت پەرنەكۋلوۆا
تاياۋ شىعىس جانە وڭتۇستىك ازيا كافەدراسى،
ءۇندىتانۋ ءبولىمىنىڭ مەڭگەرۋشىسى
شىعىستانۋ فاكۋلتەتى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket