كوپبالالى اكە كوكشەتاۋ قالاسىنىڭ اۋماعىندا گاشيش ساتۋمەن اينالىسقان. سوت ونى 6 جىلعا باس بوستاندىعىنان ايىردى، – دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
كوكشەتاۋ قالالىق سوتى ءىرى كولەمدە گاشيش ساتۋمەن اينالىسقان 40 جاستاعى تۇرعىنعا قاتىستى ۇكىم شىعاردى. ەسىرتكى ساتۋشىعا قاۋىپسىزدىگى ورتاشا قىلمىستىق-اتقارۋ جۇيەسى مەكەمەسىندە 6 جىل باس بوستاندىعىنان ايىرۋ جازاسى تاعايىندالدى.
ايىپتالۋشىنىڭ زاڭسىز ارەكەتى وسى جىلدىڭ اقپان ايىندا توقتاتىلدى.
كوكشەتاۋ تۇرعىنى ەسىرتكىنى ماتەريالدىق بايۋ ماقساتىندا زاڭسىز ساقتاپ، كەيىننەن وتكىزۋگە باعىتتالعان قىلمىستىق نيەتى بولىپ، جالپى سالماعى 9,46 گرامم گاشيشتى ەكى قاعاز تۇيىنشەگىن ساتقان، بۇل ءوز كەزەگىندە ۇلكەن ولشەم بولىپ سانالادى.
“ساتىپ الۋ – ساتۋ” مامىلەسىنەن كەيىن بىردەن ساتۋشىنى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ۇستادى. وعان قاتىستى تەرگەۋشىلەر قر قك 297-بابى 2-بولىگى (ەسىرتكى قۇرالدارىن، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ، جونەلتۋ نەمەسە وتكىزۋ) بويىنشا سوتقا دەيىنگى ءىس جۇرگىزۋدى باستادى.
