بەلگىلى زاڭگەر ابزال قۇسپان ساياساتكەر بولات ءابىلوۆتى نە سەبەپتى سوتقا بەرگەنىن ءتۇسىندىردى، دەپ جازادى "ادىرنا" ۇلتتىق پورتالى.
"كەي ازاماتتار جەكەمە شىعىپ، ال نومەرىمدى بىلەتىندەر ۆاتساپ ارقىلى «بولات ابىلوۆقا قاتىستى سوت نە بولدى» - دەپ سۇراۋدا. بۇعان، وسى كەزگە دەيىن سەريالى تۇردە پوستتار جاريالاپ كەلە جاتىپ، كىلت ءۇزىپ تاستاعانىم دا اسەر ەتسە كەرەك. وعان سەبەپ – پرەزيدەنت ءوز جولداۋىندا بيىل مەرزىمىنەن بۇرىن سايلاۋ بولاتىنىن ايتىپ، بارلىعىنىڭ نازارى سول جاققا اۋىپ كەتكەسىن، قۇيىسقانعا قىستىرىلعانداي بولمايىن دەپ ويلاعام. سويتسەم ءابىلوۆ تاقىرىبى كوپشىلىككە ءالى قىزىق ەكەن. سوندىقتان، كوپ سوزباي قىسقا-نۇسقا، ەشقانداي ەموتسياسىز، مەيلىنشە تولىق اقپارات بەرە كەتەيىندە، دوعارايىن. سونىمەن، مەن نە ءۇشىن سوتقا جۇگىنۋگە ءماجبۇر بولدىم؟ نازارلارىڭىزعا ەكى ۆيدەودان ءۇزىندى ۇسىنامىن. بىرىنشىسىندە ءابىلوۆ ينتەرۆيۋ بەرىپ وتىرىپ، مەنى جانە امانات كوميسسياسىن كورىنەۋ قارالايدى، ياعني جالا جابادى", - دەيدى ابزال قۇسپان.
ابزال قۇسپاننىڭ ايتۋىنشا، بولات ءابىلوۆ ونى "بيلىكتىڭ، ۇكىمەتتىڭ قىزىل ادۆوكاتى" دەپ اتاعان.
"اۋەلى، جۇرگىزۋشىنىڭ سۇراعىنا وراي «ابزال قۇسپان جانە ايمان وماروۆا بيلىكتىڭ، ۇكىمەتتىڭ قىزىل ادۆوكاتتارى» - دەپ الادى دا، وعان دالەل رەتىندە مىنا سوزدەردى ايتادى (سوزبە-ءسوز); «ونىڭ ايتقان ءسوزى، كامەراعا ايتقان ءسوزى، قوسايدىڭ ول اۋرۋحانادا جاتقاندا، اۋرۋحاناعا پوليتسيا كەلىپ، ولاردى تۇرمەگە الىپ كەلدى، اناۋ جەرگە تاستاپ ۇردى، سوقتى، پىتكانى جاسادى دا، سول قاڭتار ايىندا دالا سۋىق قوي، تەرەزە سىندىرعان اشىق، 15 ادام، كامەرا 5 ادامعا، جەردە جاتىر. سول كۇندە (!) ەسىك اشىلىپ ادۆوكات تۇر – ابزال قۇسپان. مەن سونداي اداممىن، مىنە پروكۋرور قاسىمدا، پوليتسيا قاسىمدا قانداي جالوبا. ءبىز ءبارىن ايتتىق، بەتىنە ايتتىق، ابزالدىڭ بەتىنە. ول جازدى بىردەڭە، ەسىك جابىلدى، ءبىتتى! ەشتەمە وزگەرگەن جوق! پىتكا، جەردە جاتىر، تاماق بەرمەيدى، سۋ بەرمەيدى. ءمىنى بۇل نە؟». مىنا سوزدەردى تىڭداعان ادام ءبىزدى، ياعني كوميسسيانى ادامداردى ۇرىپ جاتقان ساتتە كامەراعا كەلىپ، ەشقانداي كومەك كورسەتپەستەن كەتىپ قالدى جانە ءبىز كەتكەننەن كەيىندە ازاپتاۋ جالعاسقان دەپ تۋرا تۇسىنەدى، سولاي عوي؟ال ەندى، ەكىنشى ۆيدەودا سول ءابىلوۆ سىلتەمە جاساعان «قاڭتار» قورىنىڭ ۇيىمداستىرعان پرەسس-كونفەرەنتسياسىندا قوساي ماحانباەۆتىڭ ايتقانى، وعان سايكەس; ۇرىپ سوعۋ 8 قاڭتاردا ورىن العان، 3 كۇن بويى، ياعني 11 قاڭتارعا دەيىن اس-سۋ بەرمەگەن، 15 قاڭتارعا دەيىن سالقىن جەردە جاتقان، ال مەن باستاعان كوميسسيا 25 قاڭتاردا كىرگەنبىز. سول كەزدە ول وسى جاعدايدىڭ ءبارىن بىزگە ايتقان. بىراق، كوپشىلىككە تاراتقان اقپاراتىندا بولات ءابىلوۆ ءبىزدى تەك قانا «بيلىكتىڭ ادامى»، «قىزىل ادۆوكات» دەپ ايتقانى ءۇشىن سوتقا بەردى دەپ كورسەتتى", - دەيدى زاڭگەر.
بولات ءابىلوۆ سوت تاراپىنان ايىپپۇل سالىنسا "بيلىك وپپوزيتسياعا قىسىم جاساۋدا" دەپ ويبايلاپ شىعادى...
"شىندىعىندا سوتقا جءۇگىنۋىمىزدىڭ ەڭ نەگىزگى سەبەبى قوساي ايتتى دەپ ءبىزدى ەل الدىندا قارالاۋى بولاتىن جءانە ول تەك مەنىڭ ەمەس, بءۇكىل كوميسسيامىزعا جابىلعان جالا ەدى. ءوتكەن اپتادا الماتى قالالىق سوتىندا ءاءبىلوۆتىڭ سوت قاۋلىسىنا شاعىمى قارالدى. ەڭ قىزىعى, بءوكەڭ ءوز سءوزدەرىنىڭ دءالەلى رەتىندە وسى مەن جالعاعان قوسايدىڭ ۆيدەوسىن جالعاپتى! ءبىز ءوز كەزەگىمىزدە قوساي ماحانباەۆتىڭ ايتقاندارىن تولىق راستايمىز, ول تۋرالى ءبىرىنشى ساتىداعى سوتتا دا, كەشەگى اپەللياتسيالىق القاعا دا ايتتىق. جءانە قوسايدىڭ مءالىمدەمەسىنەن كەيىن, اراعا 5 كءۇن سالىپ, قر باس پروكۋرورىنا قورلاۋ فاكتىلەرى بويىنشا حاتتا جولدادىق. قورلاۋ فاكتىلەرى تۋرالى حاتىمىزدا ءبىرىنشى بولىپ سول قوسايدىڭ ايتقاندارىنا سىلتەمە جاسادىق. باس پروكۋرور تاراپىنان قورلاۋ فاكتىسىمەن قىلمىستىق ءىس قوزعالعانى تۋرالى جاۋاپ كەلدى. وسىنىڭ بءاءرى سوتقا ءبىزدىڭ تاراپىمىزدان دءالەل رەتىندە ۇسىنىلدى. نءاتيجەسىندە, ءاكىمشىلىك سوت شەشىمى ءوزگەرىسسىز قالدىرىلدى, شەشىم كءۇشىنە ەندى. ءبىراق, بولات ءاءبىلوۆ وسىنىڭ بءاءرىن كءورە-بىلە تۇرا, ءوز سءوزىنەن باس تارتپايتىنىن ايتىپ, ءبىزدىڭ كوميسسيانىڭ دءال سول تۇتقىنداردى ۇرىپ-سوعىپ, قورلاپ جاتقان سءاءتىن دءالەلدەيمىن دەپ تابانداپ تۇرىپ الدى. دءالەل ۇسىنا الماي سوت تاراپىنان ايىپپۇل سالىنسا «بيلىك وپپوزيتسياعا قىسىم جاساۋدا» -دەپ ويبايلايدى. ەگەر ول «قوسايدىڭ ايتقاندارىن قاتە تءۇءسىنىپپىن» - دەپ, ءوز ايتقانىنان باس تارتسا ەشتەڭە دە بولماس ەدى. ءتىپتى بىزگە ونىڭ كەشىرىم سۇراعانى دا ماڭىزدى ەمەس ەدى, دانەش بايبولاتوۆپەن قالاي كەلىسسەم, ونىمەن دە سولاي كەلىسە سالاتىن شارۋا بولاتىن", - دەيدى ابزال قۇسپان.
