قازاق ءتىلىن مەنسىنبەيتىن اۋەجاي قىزمەتكەرلەرى كوپشىلىكتىڭ اشۋىن تۋدىردى (ۆيدەو)

8007
Adyrna.kz Telegram

الماتى حالىقارالىق اۋەجايىنىڭ قىزمەتكەرلەرى مەملەكەتتىك تىلدە مۇلدە سويلەي المايدى. بۇل تۋرالى جۋرناليست ريشات اسقاربەكۇلى ءوزىنىڭ فەيسبۋك پاراقشاسىندا حابارلادى، دەپ جازادى  "ادىرنا" ۇلتتىق پورتالى. 

"الماتى حالىقارالىق اۋەجايىنداعى جاعداي... ەركىن ەربولەك دەگەن ازامات جەكەمە جولدادى. DV-769 الماتى-اتىراۋ رەيسى 5:30 ساعاتقا كەشىكتىرىلگەن، وسىعان بايلانىستى بىرنەشە قىزمەتكەرلەرگە (سكات اۋەكومپانياسى) جولىققان كەزدە ولاردىڭ (افاناسەنكو ۆالەريا، زازۋلينا ولەسيا) مەملەكەتتىك تىلدە مۇلدەم سويلەي المايتىنىن بايقادىق. وسىعان نارازىلىق ءبىلدىرىپ اۋەجايدىڭ جاۋاپتى قىزمەتكەرىن شاقىرعاندا، ونىڭ دا (بۋلەكوۆ نيكولاي - سمەننىي ناچالنيك اەروپورتا) مۇلدەم قازاق ءتىلىن تۇسىنبەيتىنىن بايقادىق. ونىڭ ۇستىنە، بارلىق بەيدجيكتەرى ورىس تىلىندە جازىلعان. اۋەجاي كەزەكشىلىك باستىعى ونىڭ ۇستىنە قازاق-ورىس تىلىندە ءتىلماش دەپ ءبىر قازاق جىگىتتى شاقىرىپ، ابدەن ۇياتقا قالدى. قازاق ەلىندە قازاق تىلىندە سويلەگەن تۇتىنۋشىعا قانداي ءتىلماش كەرەك؟ ەلىمىزدىڭ بەتكە ۇستار الماتى اۋەجايى اكىمشىلىگىنە جانە سكات اۆياكومپانياسىنىڭ اكىمشىلىگىنە ءبىر توپ جولاۋشى وتە نارازى بولدى. بۇل قىزمەتكەرلەر تۇتىنۋشىلاردىڭ قۇقىقتارىن ساقتاماي وتىرىپ ءارى مەملەكەتتىك تىلگە قۇرمەتسىزدىك كورسەتكەن ءۇشىن ورنىن بوساتۋ كەرەك. ودان ءارى بۇل جاعداي قايتانبالاس دەپ ويلايمىز", - دەپ جازدى ول.

 

"ادىرنا" ۇلتتىق پورتالى 

 

پىكىرلەر