Almaty halyqaralyq áýejaıynyń qyzmetkerleri memlekettik tilde múlde sóıleı almaıdy. Bul týraly jýrnalıst Rıshat Asqarbekuly óziniń feısbýk paraqshasynda habarlady, dep jazady "Adyrna" ulttyq portaly.
"Almaty halyqaralyq áýejaıyndaǵy jaǵdaı... Erkin Erbólek degen azamat jekeme joldady. DV-769 Almaty-Atyraý reısi 5:30 saǵatqa keshiktirilgen, osyǵan baılanysty birneshe qyzmetkerlerge (Skat áýekompanııasy) jolyqqan kezde olardyń (Afanasenko Valerııa, Zazýlına Olesıa) memlekettik tilde múldem sóıleı almaıtynyn baıqadyq. Osyǵan narazylyq bildirip áýejaıdyń jaýapty qyzmetkerin shaqyrǵanda, onyń da (Býlekov Nıkolaı - smennyı nachalnık aeroporta) múldem qazaq tilin túsinbeıtinin baıqadyq. Onyń ústine, barlyq beıdjıkteri orys tilinde jazylǵan. Áýejaı kezekshilik bastyǵy onyń ústine qazaq-orys tilinde tilmash dep bir qazaq jigitti shaqyryp, ábden uıatqa qaldy. Qazaq elinde qazaq tilinde sóılegen tutynýshyǵa qandaı tilmash kerek? Elimizdiń betke ustar Almaty áýejaıy ákimshiligine jáne Skat avıakompanııasynyń ákimshiligine bir top jolaýshy óte narazy boldy. Bul qyzmetkerler tutynýshylardyń quqyqtaryn saqtamaı otyryp ári memlekettik tilge qurmetsizdik kórsetken úshin ornyn bosatý kerek. Odan ári bul jaǵdaı qaıtanbalas dep oılaımyz", - dep jazdy ol.
"Adyrna" ulttyq portaly
