رەسەيلىكتەردى ولتىرۋگە شاقىرعان ۋكراينانىڭ قازاقستانداعى ەلشىسى پەتر ۆرۋبلەۆسكي بيلىكتىڭ تالابىمەن ەلدەن كەتىپ قالدى، دەپ مالىمدەيدى "ادىرنا".
ۆرۋبلەۆسكي پولشا اۋە كومپانياسىنىڭ تاڭعى رەيسىمەن ۆارشاۆاعا ۇشىپ كەتكەن.
بۇعان دەيىن ۆرۋبلەۆسكي قازاقستان سىرتقى ىستەر مينيسترلىگىندە رەسەيلىكتەر تۋرالى ايتقان سوزدەرى ءۇشىن رەسمي تۇردە كەشىرىم سۇراعان بولاتىن. وسىدان كەيىن ول دەمالىسقا كەتتى.
ەلشى ديپلوماتيالىق دەپارتامەنتكە شاقىرىلىپ، وعان قازاقستاندىق بلوگەر دياس قۇزايروۆقا بەرگەن سۇحباتىنداعى مالىمدەمەسىنە بايلانىستى نارازىلىق ءبىلدىرىلدى. قازاقستاننىڭ سىرتقى ىستەر مينيسترلىگى دە «وسىنداي مالىمدەمەلەردىڭ ەلشىنىڭ قىزمەتىنە ساي ەمەستىگىن جانە ۇيلەسپەيتىنىن» مالىمدەدى.
