شىعىس قازاقستان وبلىسىندا ورتكە بايلانىستى كاتونقاراعاي مەن التاي اۋداندارىندا توتەنشە جاعداي جاريالاندى. اۋدان اكىمدىكتەرىنىڭ ءتيىستى شەشىمى «اشىق» نقا سايتىنا شىقتى، دەپ حابارلايدى “ادىرنا” ۇلتتىق پورتالى.
“تابيعي سيپاتتاعى جاريالانعان توتەنشە جاعدايدى جويۋ باسشىسى بولىپ كاتونقاراعاي اۋدانىنىڭ اكىمىنىڭ ورىنباسارى راسۋل مىرزابەكوۆيچ كارابالينوۆ تاعايىندالسىن جانە وسى شەشىمنەن تۋىندايتىن ءتيىستى ءىس-شارالاردى جۇرگىزۋ تاپسىرىلسىن”، – دەلىنگەن كاتونقاراعاي اۋدانىنىڭ اكىمىنىڭ حابارلاماسىندا.
سونىمەن قاتار، ول وسى شەشىمنىڭ ورىندالۋىن باقىلاۋدى وزىنە قالدىراتىنىن، شەشىم العاشقى رەسمي جاريالانعان كۇنىنەن باستاپ قولدانىسقا ەنگىزىلەتىنىن اتاپ ءوتتى.
