اتىراۋدا ءسالافي يسلاميستەردىڭ ءبۇلدىرشىن قىزداردىڭ قۇقىن تاپتاپ، بەت-ءجۇزىن تۇمشالاۋ ماقساتىندا "ۇلتتىق قىزدار مەكتەبى" دەيتىن سالافيلىك باعىتتاعى جاڭا مەكتەپ اشىلعانى بەلگىلى بولدى.
اتالمىش ءدىني مەكتەپكە اتىراۋ ءوڭىرىنىڭ تۇرعىنى جولمۇحانوۆا جۇمازيا باسشىلىققا تاعايىندالعان. ەڭ سوراقىسى مەكتەپ ديرەكتورى جولمۇحانوۆا جۇمازيانىڭ تۋعان ءىنىسى جولمۇحانوۆ قانكەرەيدىڭ قىزى جۇلدىز قانكەرەيقىزى مەن كۇيەۋ بالاسى مۇراتبەكوۆ ابزال 2015 جىلى سيرياعا قارۋلى سوعىسقا اتتانىپ،2019-جىلى ەكەۋى دە قازا تاپقان.
ال "ۇلتتتىق قىزدار مەكتەبى" دەگەن قازاقي تەرميندى بەتپەردە قىلعان سالافيلىك وقۋ ورنىنىڭ قۇرىلتايشىلارى كىمدەر ەكەنىن بىلسەڭىزدەر، توبە شاشتارىڭىز تىك تۇرادى.
اتاپ ايتقاندا بۇلار ناعىز سالافيلىك يدەولوگيانى كەڭىنەن ناسيحاتتاپ جۇرگەن ەسبوسىن اسان بالعابايۇلى مەن تۇركىمەنستاندىق روزىەۆ مۇرات دوۆلەتوۆيچ دەيتىن يسلاميستەر ەكەن.
ايتپاقشى ەسبوسىن اسان بالعابايۇلى قر قىلمىستىق كودەكسىنىڭ 194-شى "بوپسالاۋ" بابىمەن سوتتالىپ، ادۆوكاتتىق ليتسەنزياسىنان ايىرىلىپتى. ءبارىمىز بىلەتىندەي سالافيلەر قازاقستانداعى مەكتەپتەردىڭ زايىرلى فورماتتا ساباق بەرۋلەرىنە تۇبەگەيلى قارسى.
سەبەبى ولار مەكتەپتەگى كيىم ۇلگىسىنە باعىنباي، ارابتاردىڭ ءداستۇرلى كيىمى حيدجابپەن ساباققا كىرگىزۋلەرىن قالايدى. ال بۇل ارەكەت قازاقستان رەسپۋبليكاسىنىڭ زاڭدارىنا قايشى جانە ءبىلىم بەرۋ جۇيەسى زايىرلى قاعيداتتار نەگىزىندە وقىتىلادى.
سايكەسىنشە وقۋشىلاردىڭ كيىم ۇلگىسى زايىرلى سيپاتتا بولۋى شارت. سالافيلەردىڭ نەگىزگى ماقساتى دەسترۋكتيۆتى ءدىني يدەولوگيانى مەكتەپ قابىرعاسىندا ەركىن جۇرگىزۋگە مۇمكىندىك الۋ. سونىمەن قاتار،وسىنداي جەكە مەكتەپتەردە سالافيلەردىڭ ۇل-قىزدارىنان باسقا، مەشىت نامازحاندارىنىڭ بالالارىنا دا جات ەكسترەميستىك، ياعني تەرىس يدەولوگيامەن ىقپال ەتۋ، ياعني قاتارلارىن كوبەيتۋ قاۋپى بار جانە بۇنداي ءدىني ورتا ءارتۇرلى جانجالدىڭ تۋىنا كەڭىنەن جول اشادى.
وسىعان وراي، جوعارىدا كەلتىرىلگەن فاكتىلەردى العا تارتا وتىرىپ، قر وقۋ-اعارتۋ ءمينيسترى ا.ايتماعامبەتوۆتەن اتىراۋ قالاسىندا ورنالاسقان، اتاپ ايتقاندا ادىلەت مينيسترلىگىندە تىركەلگەن ۇلتتىق ەمەس "سالافيلىك قىزدار مەكتەبىنە" ليتسەنزيا بەرىلمەۋى مەن تەز ارادا جابىلۋىنا ىقپال ەتۋىڭىزدى سۇرايمىن!!!
نۇرگۇل مۋكۋشەۆا،
بلوگەر، قوعام بەلسەندىسى
ماقالا اۆتورىنىڭ كوزقاراسى رەداكتسيانىڭ كوزقاراسىن بىلدىرمەيدى.
