سىبايلاس جەمقورلىققا قارسى قىزمەتتىڭ قىزمەتكەرى سوتتالدى، دەپ حابارلايدى «ادىرنا» ءتىلشىسى.
«الەۋمەتتىك جەلىلەردە سىبايلاس جەمقورلىق قىلمىسى (پارا الۋ) ءۇشىن ماڭعىستاۋ وبلىسى بويىنشا Cىبايلاس جەمقورلىققا قارسى قىزمەتتىڭ سوتتالعان تەرگەۋشىسى ا. ءىزباسار تۋرالى اقپارات تاراتىلۋدا.
ىزباسارعا قاتىستى اقتاۋ قالالىق سوتىمەن ۇكىم شىعارىلىپ، زاڭدى كۇشىنە ەندى. ۇكىمگە سايكەس ىزباسارعا ارنايى اتاقتان ايىرا وتىرىپ، 15 ملن تەڭگە كولەمىندە ايىپپۇل سالىندى.
سونداي-اق، سوتتالۋشى ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى»،—دەلىنگەن حابارلامادا.
