الماتى وبلىسىنداعى مەكتەپتەردىڭ بىرىنە ساياساتكەر التىنبەك سارسەنبايۇلىنىڭ ەسىمى بەرىلدى. بۇل تۋرالى جەلى قولدانۋشىسى ەرقانات تۇرسىنجانۇلى ايتتى، دەپ حابارلايدى «ادىرنا» ءتىلشىسى.
«الماتى وبلىسى، رايىمبەك اۋدانى، سارىجاز اۋىلىنداعى ورتا مەكتەپكە، وسى مەكتەپتىڭ تۇلەگى، مەملەكەت جانە قوعام قايراتكەرى التىنبەك سارسەنبايۇلىنىڭ ەسىمى بەرىلدى. قۇتتى بولسىن!»—دەدى ول.
ايتا كەتەيىك، التىنبەك سارسەنبايۇلى — قازاقستاننىڭ مەملەكەت جانە قوعام قايراتكەرى، ديپلومات، جۋرناليست. قازاقستاننىڭ رەسەي فەدەراتسياسىنداعى توتەنشە جانە وكىلەتتى ەلشىسى (2002-2003), اقپارات جانە قوعامدىق كەلىسىم ءمينيسترى (2004),"اق جول" ساياسي پارتياسىنىڭ نەگىزىن قالاۋشىلاردىڭ ءبىرى.
