قاسىم-جومارت توقاەۆ قوستاناي وبلىسىندا ورمان ورتىنەن زارداپ شەككەندەرمەن كەزدەستى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
شۇعىل ارەكەت ەتۋ شتابى وتىرىسىنان كەيىن مەملەكەت باسشىسى ورمان ورتىنەن زارداپ شەككەن امانقاراعاي اۋىلىنىڭ اۋماعىن ارالادى.
مەملەكەت باسشىسى اۋليەكول اۋىلىنداعى مەكتەپتە ورنالاسقان ەۆاكۋاتسيالاۋ پۋنكتىندە زارداپ شەككەن ازاماتتارمەن كەزدەسىپ، گۋمانيتارلىق كومەك تاراتۋ پۋنكتىنە باردى.
زارداپ شەككەندەرمەن كەزدەسۋ بارىسىندا قاسىم-جومارت توقاەۆ ۇكىمەت قيىن جاعدايدى ەڭسەرۋ ءۇشىن بارلىق شارالاردى قابىلدايتىنىن ايتتى.
– وكىنىشكە قاراي، ۇلكەن ءورت بولدى. دەگەنمەن ءتيىستى كومەك كورسەتىلەدى. سىزدەردىڭ باسپاناسىز قالعاندارىڭىزدى بىلەمىن. ۇكىمەت ەكى، ەكى جارىم ايدا سىزدەرگە بۇرىنعىدان الدەقايدا جاقسى جاڭا ۇيلەر سالىپ بەرەدى، – دەدى مەملەكەت باسشىسى.
پرەزيدەنت ەرىكتىلەرمەن اڭگىمەلەسىپ، ولارعا كورسەتكەن كومەگى ءۇشىن العىس ايتتى.
