ماسكەۋدە بۇگىن 3 قىركۇيەكتە وداقتار ءۇيىنىڭ كولوننالار زالىندا 30 تامىزدا 92 جاسىندا قايتىس بولعان كسرو-نىڭ بۇرىنعى پرەزيدەنتى ميحايل گورباچەۆپەن قوشتاسۋ ءراسىمى ءوتتى. عيمارات ماڭىندا ورناتىلعان قورشاۋلاردا ۇزىن-سونار كەزەك بولدى. پوليتسەيلەر كەلۋشىلەردى بىرنەشە ونداعان ادامنان تۇراتىن توپتارعا ءبولدى، دەپ حابارلايدى "ادىرنا" پورتالى.
رەسەيلىك اقپارات قۇرالدارىنىڭ حابارلاۋىنشا، ماسكەۋ ۋاقىتىمەن ساعات 10.00-دە باستالعان سالتاناتتى شاراعا ءانشى اللا پۋگاچەۆا، سونداي-اق رف قاۋىپسىزدىك كەڭەسى توراعاسىنىڭ ورىنباسارى، رەسەيدىڭ بۇرىنعى پرەزيدەنتى دميتري مەدۆەدەۆ قاتىسىپ ۇلگەرگەن. قازىرگى مەملەكەت باسشىسى ۆلاديمير پۋتين قوشتاسۋعا كەلمەدى، بۇرىن گورباچەۆپەن بولەك قوشتاسقان. پرەزيدەنتتىڭ ءباسپاسوز حاتشىسى دميتري پەسكوۆ مۇنى ءپۋتيننىڭ تىعىز جۇمىس كەستەسىنە بايلانىستى دەپ ءتۇسىندىردى.
ميحايل گورباچەۆتى مەملەكەتتىك جەرلەۋ ءراسىمى بولمايدى. قوشتاسۋ راسىمىنە باتىستىڭ جوعارى لاۋازىمدى ساياساتكەرلەرى دە كەلمەيدى دەپ كۇتىلۋدە. بۇل رەسەيدىڭ ۋكرايناعا قارۋلى باسىپ كىرۋىنە بايلانىستى باتىستىڭ رەسەي فەدەراتسياسىنا سالعان سانكتسيالارىنا بايلانىستى.
